Agamemnon

Questa pagina è scritta en vallader.

Agamemnon (Ἀγαμέμνων) d'eira ün rai da la mitologia greca. El d'eira rai da la cità Mizene (Mυκῆναι) sülla Peloponnes.

Cheu dad Agamemnon (detagl d'üna cria da vin cun figuras nairas, ca. 520 a.C., Louvre da Paris)

Mitus

Il bap dad Agamemnon d'eira Atreus, pervi da quai es Agamemnon suvent nomnà "Atrid", q.v.d. Figl dad Atreus. Sia duonna d'eira Clitemnestra (Κλυταιμνέστρα), seis frar il rai da Sparta, Menelaos. Sco descendent da Tantalos tuccava eir ad Agamemnon la schmaladicziun da Tantalos.

Menelaos d'eira maridà a la bella Helena. Cur cha quella füt manada davent da Paris da Troja, cumanzettan Agamemnon, Menelaos ed oters rais da la Grecia la guerra cunter Troja.

Perquai cha Agamemnon vet fradulà üna tschierva soncha dad Artemis, laschet quella stagnar il vent ed il navs grecs nu pudaivan ir or dal port. Agamemnon fet gnir sia figlia Ifigenia per sacrifichar ad ella sül uter dad Artemis, ma cur ch'il sacerdot mettet il curtè, füt Ifigenia svanida ed üna tschierva giaschet sül uter.

Davo la guerra, desch ons plü tard, tuornet Agamemnon a chasa. Klitemnestra füt gritta, perquai ch'el vaiva vuglü far mazzar ad Ifigenia e gnü marusadas cun praschuneras da guerra; el manaiva dafatta Cassandra a chasa. Clitemnestra e seis amader Egist mazzettan Agamemnon illa bognera.

Ils uffants dad Agamemnon e Clitemnestra d'eiran Ifigenia, Elektra, Chrysothemis ed Orestes.

Bös-ch da famiglia

Litteratura

• Gerhard Fink: Who's who in der aniken Mythologie. München 1993.