Agid:Formatar

Quai è be ina pitschna resumaziun da tut las funcziuns che la wikipedia porscha, per formatar texts. Sche ti dovras chaussas pli extravagantas, lura stos ti deplorablamain guardar il manual tudestg

Formatar text

Text normal

Text normal pos ti simplamain scriver. Ti na stos prender risguard da nagut. Era segns spezials (èìàöüä) èn nagin problem. Sche ti vuls far ina nova lingia, lascha simplamain

ina lingia distanza

Per scriver quai text survart, dovras suandant code:

Text normal pos ti simplamain scriver. Ti na stos prender risguard da nagut. Era segns spezials (èìàöüä) èn nagin problem. Sche ti vuls far ina nova lingia, lascha simplamain

ina lingia distanza

Scriver grass u cursiv

Grass

'''Quai text è scrit grass'''

vesa ora uschia:

Quai text è scrit grass

Cursiv

''Quai text è scrit cursiv''

vesa ora uschia:

Quai text è scrit cursiv

Structura

Ti pos era far enumeraziuns cun la wikipedia:

* emprim punct

* segund punct

Quai vesa ora uschia:

emprim punct
segund punct

U cun cifras

# emprim punct

# segund punct

Resultat:

emprim punct
segund punct

Colliaziuns (links)

Il sistem da wikipedia enconuscha dus sistems per far colliaziuns:

Colliaziuns internas

Colliaziuns internas èn colliaziuns sin auters artitgels da la wikipedia. Quellas èn fitg simplas da realisar. Metta simplamain il text che duai esser ina colliaziun tranter duas parantesas quadras.

L'artitgel davart la [[GiuRu]]

vesa ora uschia:

L'artitgel davart la GiuRu

Ti pos era far in link intern, sche il text che ti scrivas na corrispunda betg exact al num da l'artitgel:

L'artitgel davart la [[GiuRu|Giuventetgna Rumantscha]]

E quai è il resultat:

L'artitgel davart la Giuventetgna Rumantscha

Sche ti stos be agiuntar ina finiziun, va quai anc bler pli simpel:

Nus essan [[rumantsch]]s.

Quai vesa alura ora uschia:

Nus essan rumantschs.

Colliaziuns externas

Ti pos natiralmain era far colliaziuns sin paginas ordaifer la wikipedia.

[http://www.giuru.ch La pagina da la GiuRu]

Il resultat:

La pagina da la GiuRu

L'entschatta vign l'adressa d'internet (cun http:// !) scrita en parantesas quadras, ed alura pos anc initgar il text che duai vegnir mussà sco colliaziun. Quel pos ti era laschar davent, alura stat l'adressa d'internet sco colliaziun.

En la wikipedia èsi usit da rimnar las colliaziuns externas la fin da l'artitgel sut il chapitel ==Colliaziuns==.

Colliaziuns a l'e-lir

Cunzunt davart tematicas spezificas dal Griscun datti savensa buns artitgels en il lexicon istoric retic. Sche ti vuls far ina colliaziun ad artitgels en quel, pos ti far quai suandantamain:

{{E-LIR|1122}}

Cun suandant resultat

Formatar en il Lexicon istoric retic

Il sistem agiunta adina automaticamain il titel da l'artitgel actual. Mintgatant (sco en quest cas qua) è quai betg adina giavischabel. Lura pon ins era agiuntar in agen titel:

{{E-LIR|1122|Giuventetgna Rumantscha (GiuRu)}}

Cun suandant resultat

Giuventetgna Rumantscha (GiuRu) en il Lexicon istoric retic

Il numer da l'artitgel chattas ti en la URL da l'artitgel da l'e-lir che ti vuls integrar en la vichipedia: Circa a mez da l'ulr è scrit "id=" il numer che suanda stos ti copiar en il schema menziunà.

Integrar maletgs

Natiralmain pon ins era integrar maletgs en la wikipedia. Il pli simpel è quai, sch'els èn gia chargiads sin il server da la GiuRu. In grond archiv da maletgs che ti pos utilisar senz'auter è il Wikipedia commons. Là pos ti tschertgar en ina gornda banca da datas maletgs.

Integrar in maletg en l'artitgel

In maletg pos ti integrar suandantamain:

[[Image:Logo-giuru.gif|thumb|200px|right|Il logo da la GiuRu]]

Quai vesa alura ora uschia (guarda da vart dretga):

Il logo da la GiuRu

Suandants parameters pos ti utilisar

Logo-giuru.gif – Il num da la datoteca.

thumb – Fa ch'il maletg po vegnir fatgs pli pitschen ed ha ina rama. Qua stos ti midar nagut.

200px – La ladezza dal maletg. Facultativ.

right – L'orientaziun dal maletg. Ti pos era scriver "left" u laschar davent.

Il logo da la GiuRu – Ina descripziun dal maletg.

Chargiar sin in agen maletg

Sin Questa pagina pos ti era chargiar si maletgs.

ADATG!: Ti dastgas be chargiar maletgs sin la wikipedia, dals quals che ti possedas ils dretgs. Quai munta, ti stos avair fatg sez il maletg. Sch'il maletg n'è betg da tai, stos ti dumandar il possessur dals dretgs. Sche quel è d'accord, pos ti chargiar si il maletg ed far ina notizia sin la pagina dal maletg, che ti possedias (u hajas survegnì) ils dretgs vid quest maletg.