Arnoldo Marcelliano Zendralli (* 4 d'avust 1887 a Roveredo, † 10 da zercladur 1961 a Cuira) è stà in magister, publicist ed operatur cultural dal Grischun talian.

Zendralli è s'engaschà fermamain per la lingua e la cultura taliana en las valladas dal sid dal chantun. Sia finamira era in'identitad unitara dals italofons grischuns e la renconuschientscha da las minoritads linguisticas e culturalas dal Grischun. Per quest motiv ha el fundà il 1918 la Pro Grigioni Italiano.

Vita ed ovraModifitgar

Arnoldo Marcelliano Zendralli è naschì ils 4 d'avust 1887 a Roveredo en la Val Mesauc sut sco figl dal pur e pictur Giulio Zendralli e sia dunna Tommasa, naschida Schenardi. El ha frquentà las scolas obligatorias en ses vitg natal ed il Seminari scolastic a Cuira nua ch'el è vgnì patentà il 1904. I suandavan studis da la romanistica a Jena, Firenza e Genevra. Il 1910 ha el promovì a Berna tar il dr. fil. cun la lavur Tommaso Gherardi del Testa, 1814-1881 (1909). Dal 1911 fin il 1953 ha el instruì talian e franzos a la Scola chantunala a Cuira.

Zendralli era in fautur impurtant da l'«italianità» en il Grischun. El ha fundà il 1918 la Pro Grigioni Italiano, in'organisaziun che promova la lingua e cultura taliana en il Grischun e represchenta il Grischun talian en autras parts da la Confederaziun. Ultra da quai ha el fundà e fatg da redactur per numerusas publicaziuns periodicas da lingua taliana:

  • fundatur (1918) e redactur (1918–38) dal Almanacco del Grigioni Italiano
  • fundatur e redactur (1931–58) dals Quaderni Grigionitaliani
  • fundatur e redactur da la gasetta liberal-democratica La Voce dei Grigioni, redactur da La Voce della Rezia (1926–47) e da La Voce delle Valli

Ultra da quai è el stà autur da numerusas publicaziuns da caracter istoric e litterar.

FundaziunModifitgar

Il 1988 è vegnì fundà la Fondazione Arnoldo Marcelliano Zendralli che promova e sustegna la perscrutaziun scientifica dals magisters ed artists dal Grischun talian.

Ovras (selecziun)Modifitgar

  • 1930 Graubündner Baumeister und Stukkatoren in deutschen Landen zur Barock- und Rokokozeit
  • 1934 II Grigioni italiano e i suoi uomini

ColliaziunsModifitgar