Baselgia evangelica refuormada dal Grischun

Questa pagina è scritta en vallader.

La baselgia evangelica refuormada dal Grischun es la baselgia chantunala dal Grischun. Ella es part da la Federaziun da las baselgias evangelicas da la Svizra. Ella cumpiglia a tuots abitants i’l Grischun chi sun commembers d’üna corporaziun evangelica sül territori dal chantun da la naschentscha davent respectivmaing daspö lur battaisem e chi nun ha declerà lur sortida da la baselgia.

La baselgia San Martin a Cuoira sco la secreta baselgia principala da la populaziun refuormada i'l Grischun

San Gian a Schlarigna sco ün simbol da la cuntrada culturala e religiusa da l'Engiadina

Istorgia

La baselgia deriva dal temp da la refuorma. Las ideas da Martin Luther e da Huldrych Zwingli as derasaivan eir in Grischun chattand ad aderents numerus. Daspö 1537 exista la renomnada sinoda grischuna, illa quala tuots ravarendas dal chantun sun integrats. In cuntrari a tuottas sinodas protestantas ulteriuras sül muond inter nu piglian part ingüns laics. La recepziun tras la sinoda es la cundiziun per pudair avair ün pöst pastoral i'l Grischun.

Organisaziun

Actualmaing (2010) dombra la baselgia var 70'000 commembers in circa 90 corporaziuns evangelicas. L'administraziun da la baselgia ha seis lö a Cuoira illa Loestrasse. Presidenta dal cussagl da baselgia es pel mumaint Lini Sutter, üna giurista da Roveredo.

Medias

Mincha mais cumpara ün'ediziun da la gazetta "reformiert.", la successura dal organ ecclesiastic da plü bod "Bündner Kirchenbote".

Colliaziuns

• La pagina d'internet ufficiala da la Baselgia evangelica refuormada dal Grischun