Breno

Questa pagina è scritta en puter.

Breno (Bré in l'idiom dal lö) es üna vschinauncha da var 5.000 abitants da la Lombardia, Provinza da Brescia. Forsa vegn sieu nom dal pled celtic Brig, chi significhescha muntagna.

La vschinauncha

Breno as chatta illa part center-meridiunela da la Val Camonica, sülla spuonda est dal Fiüm Oglio. Insembel a Darfo-Boario Terme (renumneda localited termela) e ad Edolo es la vschinauncha la pü important da la Val.

Breno es il lö, inua as chatta la "Carlo Tassara S.p.A.", granda fabrica d'atschel.

Sieus abitans vegnan clamo dals oters abitants da la val Maia càrte ("Quels chi mangian il palperam").

Monumaints

Las ruinas dal chastè langobard dal 7. tschientiner, chi as chatta süsom üna crasta, chi dominescha la vschinauncha.
La baselgia da Sant'Antonio, cun pittüras da mür da Romanino.
La baselgia da Santa Maria a la Punt, dal 16. tschientiner.
La baselgia da San Salvatore, cun pittüras da mur da Antonio Guadagnini e da Romanino e altars da marmel da Ono San Pietro.
La baselgetta da San Carlo dal 17. tschentiner, cun bgers exvoto;
La baselgia da San Maurizio;
La baselgia da San Valentino, dal 14. tschientiner, l'intern de la quela gnit miss in uorden forsa da Giovanni Pietro da Cemmo;
La baselgia da Sant'Apollonia, tar la baselgia da San Valentino;
Las Villas-tuors long la via Mazzini;
Il Tempiet da Minerva, tar la baselgia da Santa Maria a la Punt;
Il Museum civic dals Camuns.

Personas renumnedas

Melania Grego (* 1973), campiunessa olimpica als 2004 da ballanataziun.