C.A. Turicia
|
Questa pagina è scritta en sursilvan. |
| Monogram | Uoppen |
|---|---|
 |
|
| Cantun: | Turitg |
| Scolas aultas: | Universitad Turitg ETH Turitg Scolas aultas regiun Turitg |
| Fundaziun: | 1860 |
| Uniun tetgala: | Societad da Students Svizzers (SSS) |
| Scursaniziun: | TU! |
| Devisa: | In fide firmitas! (court: Iff!) |
| Colurs: | Bursch: orange-alv-verd Uolps: orange-verd |
| Adressa: | AV Turicia Nordstr. 22 8006 Turitg |
| Pagina d'internet: | www.turicia.ch www.1860.ch |
La CA Turicia ei ina corporaziun academica a Turitg ed ina secziun dalla Societad da students svizzers (SSS) ch'ei vegnida fundada 1860. Ella ei commembra dalla "ligia dallas corporaziuns academicas cun comment". Ella ei la pli veglia corporaziun academica en svizra dalla SSS.
Intent
modifitgarLa Turicia ei ina uniun tenor il cudisch civil svizzer (CCS) a Turitg. Ella promova l'amicezia denter ils commember. Sin il fundament d'il cristianissem s'engascha ella per stadi e societad en regurdientscha vid nossa historia ed en responsabladad per l'ierta dalla baselgia catholica.
Historia
modifitgarEgl onn 1860 han in student dall'ETH e quater students dalla medischina fundau la secziun Turitg dalla societad da students svizzers. Igl emprem president, Fintan Bärlocher, han ins tschentau ils 11 da november 1861. L'entschatta havevan ins denton entgins problems sil plaz Turitg. Sco uniun catolica deva ei certas confrontaziuns culla populaziun protestanta. Da quei temps deva ei aunc neginas autras uniuns universitaras catolicas en svizra. Aschia haveva la secziun Turitg mo il sustegn d‘uniuns digl exteriur e da scolas medias.
La stad 1883 ha il senat dall’universtad renconuschiu la secziun sco Uniun catolica univeristara Turicia. Naven dils 8 da december 1885 han ils commembers purtau las colurs tgietschen-alv-verd e la capetscha cotschna ella publicitad. Alla radunonza generala 1886 a Sursee ei la ligia da treis che semetta ensemen dallas corporaziuns academicas Rauracia, Burgundia e Turicia vegnida fundada. Ellas ein s'engaschai per ina rigurusa interpretaziun dalla veta ellas secziuns.
Igl emprem da mars 1887 ei l'uniun dils commembers vegls vegnida fundada sut la direcziun dil prèr Reichlin. Ils proxims onns ein ils commembers era s'engaschai ella polticia svizra ed ell'economia. Per exempel il fundatur dalla nova gasetta turitgesa e dalla PCD, Dr. Gregor Baumberger, igl emprem president dalla PCD, Dr. Conrad Bürgi, ils cussegliers cantunals, Adalbert Wirz e Josef Düring ni pli tard il cusseglier federal Philip Etter eran commembers dalla Turicia.
Cull'entrada el vegnavel tschentaner, 1903, ei la secunda bandiera dalla Turicia vegnida benedida. Medemamein naven da quei onn ei la devisa dall'uniun Turicia in fide firmitas. Las colurs ein vegnidas midadas sin oransch-alv-verd. Sin fundament da quellas midadas e dil giubileum da 50 onns ei l'amicizia denter ils commembers vegnida rinforzada.
Il diember da commembers ei carschius entochen 1912 sin varga 60 persunas. Quei era denton memia bia per in'uniun ed ins ha fundau la nova corporaziun academica cun comment Kyburger cun las colurs rosa-alv-verd. L'uniun da commembers vegls ei buc vegnida spartgida, denton deva ei entgins disputs denter las duas secziuns, aschia ch'ins ha spartgiu l'uniun 1944.
La Turicia era naven dall'entschatta padrin da quell'uniun. Pli tard han ils commembers dalla Turicia aunc gidau tier la fundaziu dad autras uniuns, numnadamein: Turania, Struthonia, Lepontia, Romania Turicensis, Bodania, Corona Sangalensis, Corvina e Desertina.
Egl onn 1942 ha la Turicia fundau ensemen cun las corporaziuns academicas Rauracia, Burgundia, Alemania, Kyburger, Bodania e Neu Romania la Ligia dallas corporaziuns academicas cun comment, il schinumnau bloc, che semetta en per las veglias tradiziuns da students. Denton ei la Turicia gia egl onn 1951, suenter dispettas pervia dina candidatura per il comité central, extrada ord quella ligia.
1964 han ils commembers cumprau ina casa a Turitg. Quella dueva dar albiert a turicers e students el futur. 1972 vegn la casa renovada e baghegiada entuorn. Il tschalèr vegn naven da quei temps duvraus intensivamein sco local communabel per ils habitonts ed ils commembers dalla Turicia.
1986 decida la corporaziun academica Turicia la reentrada el bloc. El medem temps cumpra la Turicia in agen local el marcau vegl da Turitg. Aunc oz sentaupan ils turicers mintga jamna leu a stamm.
Igl atun 2009 entscheivan las festivitads per il giubileum da 150 onns cun il tradiziunal past da S. Martin.
Referenzas
modifitgar- info Turicia, Jubiläumsausgabe "125 Jahre Turicia", Nr. 36, Zürich, 2. Mai 1985, Böhi v/o Rock