Cain

Questa pagina è scritta en puter.

Cain es üna figüra da la prüm’istorgia aint il prüm cudesch da Moses infra la Tora. El es il prüm morder da l’istorgia da l’umanited chi mazza a sieu frer Abel.

Context istoric

Cain es agricultur, Abel invezza büs-cher e nomad. Cu as spievla dimena il conflict da duos möds da viver differents in temps preistorics.

Importanza

Il raquint biblic vezza in Cain ad ün rapreschantant d’ün esser generel dals umauns. L'umaun, chi perda il cumbat cunter il pcho (in quist cas: l'invilgia), nu crouda our tuottafat da la grazcha dal Segner. Il segn da Cain dvainta proverbiel per exprimer la misericordia divina chi vala inavaunt.^[1]

Nom

Il nom « Cain » voul dir « quel chi’d es acquisto », nempe dad Eva (Prüm cudesch da Moses 4,1b). Taunt inavaunt do il nom perdütta da la cretta creschaunta da se stess dal umaun chi sto dandettamaing da la vart da Dieu scu ün concreeder (pel creer divin cugnuoscha la lingua ebraica dal Vegl Testamaint ün egen pled).

Colliaziuns

L’istorgia da Cain ed Abel our dal sguard da la scienza biblica

Cumprouvas

↑ "E'l Segner faiva ün segn vi da Cain, per cha üngün chi'l inscuntra, nun il mazza." (Prüm cudesch da Moses 4,15b)

[1] "E'l Segner faiva ün segn vi da Cain, per cha üngün chi'l inscuntra, nun il mazza." (Prüm cudesch da Moses 4,15b)

[1]