Circul administrativ da Bienna

Circul administrativ da Bienna
Circul administrativ
Ipsach, davosvart Bellmund
Administraziun
Stadi	Svizra
Chantun	Berna
Lingua uffiziala	tudestg e franzos
Territori
Surfatscha	98 km²
Populaziun	98'923 abitants (31 da december 2015)
Vischnancas	19
Autras infurmaziuns
Numer UST	0242
Internet
Pagina-web uffiziala

Il circul administrativ da Bienna (tudestg Verwaltungskreis Biel/Bienne, franzos Arrondissement administratif de Biel/Bienne) è in'unitad administrativa dal chantun Berna en Svizra. Sia chapitala è la citad da Bienna.

Ensemen cun il circul administrativ dal Seeland furma el la regiun administrativa dal Seeland (Verwaltungsregion Seeland).

Geografia

Il circul administrativ da Bienna s'extenda en il sid da las muntognas dal Giura, en il nordost dal lai da Bienna, en la val dal flum Aara. Cun be 97,63 km² è el il pli pitschen dals 10 circuls administrativs dal chantun tenor surfatscha, ma quart pli grond tenor populaziun. Dapli che la mesadad dals abitants viva en la chapitala, Bienna. L'entir circul fa part da l'aglomeraziun da Bienna e furma propi in'unica zona urbana.

Vista sur la citad da Bienna sin il lai ed il Giura

Districts cunfinants

	Giura Bernais
Giura Bernais		Lebern (SO)
	Seeland

Istorgia

Il circul administrativ da Bienna è vegnì creà sin il 1. da schaner 2010. Las vischnancas da Bienna ed Evilard furmavan avant il district (Amtsbezirk) da Bienna, quellas da Lengnau, Meinisberg e Pieterlen appartegnevan al district da Büren entant ch'ils ulteriurs 14 faschevan part dal district da Nidau.

Vischnancas

Las vischnancas dal circul administrativ da Bienna

Twann al Lai da Bienna cun l'insla da Son Pieder

La citad veglia da Bienna en la glisch da la damaun

Vopna	Num da la vischnanca	Abitants (31 da december 2015)	Surfatscha in km²
	Aegerten	1874	2,16
	Bellmund	1623	3,82
	Bienna (Biel/Bienne)	54'163	21,21
	Brügg	4298	5,02
	Ipsach	3972	1,91
	Lengnau	4956	7,37
	Evilard/Leubringen	2552	3,69
	Ligerz	547	1,79
	Meinisberg	1328	4,43
	Mörigen	843	2,16
	Nidau	6955	1,52
	Orpund	2675	4,16
	Pieterlen	4034	8,31
	Port	3486	2,45
	Safnern	1951	5,61
	Scheuren	449	1,99
	Schwadernau	657	4,02
	Sutz-Lattrigen	1400	3,58
	Twann-Tüscherz	1160	12,43
	Total (19)	98'923	9763

Midadas en l'effectiv da vischnancas

Entrada en vigur	Anteriuras vischnancas	Nova vischnanca
1. da schaner 2010	Tüscherz-Alfermée + Twann	Twann-Tüscherz

Toponimia

.