Cudisch et Remarques de mia vetta manada

Ovra dal politicher sursilvan Duitg Balletta 1760 - 1842, da Breil. Il diari Cudisch et Remarques de mia vetta manada descriva il temp tranter 1780 e 1804, damai gist il temp enturn la Revoluziun franzosa, ils cumbats tranter Austriacs e Franzos sin il territori Grischun e las deportaziuns dad intellectuals grischuns entras ils Austriacs e Franzos.