Detga da Sasolas

Questa pagina è scritta en sursilvan.

Las uldaunas da Sasolas

Sin las aclas da Sasolas sur Luven, devi dialas che gidavan als purs da far lur lavurs sil funs. Ins atgeva denton buca mulestar ni far nausch cun ellas. Mintga notg da mesanotg fagievan las dialas in sault e mintgin che haveva marveglias ed observava ellas vegneva strufegiaus. Ina stad haveva in pur in fumegl da Trin. El era in ballezia giuven e tuttas giuvnas havevan plascher dad el. El carteva denton buca la detg dallas uldaunas da Sasolas ed aschia ha el decidiu da observar ellas da mesanotg. Da mesanotg ein ellas propi vegnidas ed han saltau entochen ch'ina diala ha sentiu ch'il giuven observava ellas. Las dialas han decidiu dad ir tier el ed han tratg ora ad el ils calzers, ils caltscheuls e las caultschas. Duront far quei han ellas cantau ina canzun da beffas. Il proxim gi ha il giuven da Trin alura stuiu ir anavos el vitg senza caultschas. Ei era ina dumengia e tuts mavan a baselgia. Ina dunna dil vitg ha viu el ed ha clamaun ch'il giavel seigi el vitg. Sil suenter leva negin pli ir en baselgia. Il plevon ha lu clamau ensemen la glieud, ed era il giuven da Trin cun vestgadira da dumengia, era leu. Aschia ha negin sentiu ch'ei era el e tuts ein i a baselgia.