Escatologia
|
Questa pagina è scritta en puter. |
Escatologia es üna disciplina parciela da la teologia in generel e specielmaing da la teologia sistematica. Ella tratta da las ultimas chosas (derivand da la lingua greca antica ta es-chata = las chosas ultimas, extremas) cur cha l'istorgia umauna glivra, traunter oter dal ultim güdizi.
Teologia
modifitgarLas ouvras teologicas dal temp d'immez e dal temp modern tampriv vaivan pel solit il titul latin De novissimis (que voul dir da las chosas las pü nouvas). In quista noziun as muossa il möd da vzair tipic cristiaun: l'istorgia vain arcugnuschida ed accumplida da sia fin.
I'l 20evel tschientiner s'ho il teolog evangelic Jürgen Moltmann occupo intensivamaing cun l'escatologia. El ho disferenzcho il futur (avegnir scu qualchosa chi saro üna vouta preschaint) e l'avegnir (avegnir uossa i'l sen oriund e profuond scu qualchosa chi'd es in viedi vers l'umaun e'l vain incunter).
Litteratura
modifitgar- Jürgen Moltmann: Das Kommen Gottes. Christliche Eschatologie (= L'avegnir da Dieu. Escatologia cristiauna). Darmstadt 2002, ISBN 3-579-02006-4