Geistingen
Geistingen è ina fracziun da la citad da Hennef (Sieg) ed era anteriurmain il lieu principal da la regiun cun in'atgna plaiv, in'atgna vischnanca ed in'atgna dretgira.
Emprima menziun modifitgar
Sco emprem lieu da la citad da Hennef vegn Geistingen menziunada 799/800 sco Geistinge. La finiziun -ingen inditga in abitadi francon anteriur.
Proprietad dals bains modifitgar
L'onn 885 avat è in Heinrich von Geistingen menziunà. El ha obtegnì Geistingen dal retg Ludwig e ha regalà in quart al Cassius-Stift da Bonn.
L'onn 1075 appartegnava la baselgia da Geistingen a mesas al Cassiusstift ed a l'abbazia Michaelsberg da Siegburg. La dretgira auta e la dretgira criminala en il Bann da Geistingen èn vegnidas executadas dal cont palatin e suenter dals conts da Sayn.
Religiun modifitgar
La regiun da Geistingen ha la tempra catolica. En la segunda mesadad dal 12avel tschientaner è la veglia baselgia parochiala Sogn Mitgel (St. Michael) vegnida construida. L'onn 1875 è la tur da la baselgia vegnida culpida dad in chametg.
L'onn 1903 è la claustra da Geistingen vegnida inaugurada.
Dretgira modifitgar
L'onn 1744 è Geistingen stà lieu principal da la dretgira da Warth, da Eitorf e da Neunkirchen. L'onn 1812 è la dretgira transferida a Hennef sut Napoleon.
Scola modifitgar
L'onn 1791 è menziunada in'emprima scola a Geistingen.
Schliaziun da la vischnanca modifitgar
L'onn 1934, sut il reschim naziunalsocialistic, è la vischnanca Blankenberg vegnida fusiunada cun Geistingen. En il medem onn è la vischnanca Hennef vegnida fundada e la vischnanca Geistingen annullada. L'onn 1935 è l'autonomia dal lieu vegnida retratga e Geistingen è daventà ina fracziun da Hennef.
Segunda Guerra mundiala modifitgar
Ils 8 da mars 1945 è il center dal lieu da Geistingen vegnì devastà durant ina attatga da 208 bumbas da mintgamai 4 1/2 mez quintals. L'attaga ha chaschunà 44 morts, la baselgia è vegnida devastada. Il di suenter han ils Americans occupà Geistingen.