Georg Wilhelm Friedrich Hegel

Questa pagina è scritta en puter.

Georg Wilhelm Friedrich Hegel (* 27 d'avuost 1770 a Stuttgart; † 14 da november 1831 a Berlin) d'eira ün filosof tudas-ch chi dominaiva la disciplina a las faculteds europeicas düraunt la prüma mited dal 19evel tschientiner scu'l rapreschantant principel dal idealissem tudas-ch.

Hegel pittüro da Jakob Schlesinger dal 1831 cuort avaunt sia mort

Filosofia

La filosofia da Hegel es ourdvart ambiziusa. Ella voul interpreter na damain cu l'intera realted cun tuottas fuormas d'apparentscha ed edificher detagliedamaing ün sistem universel.

Istorgia da recepziun

Zieva la mort da Hegel as separaivan sieus aderents in duos scoulas: d'üna vart ils Hegeliauns da dretta e da l'otra vart ils Hegeliauns da schnestra. Ils ultims critichaivan la rolla da la filosofia hegeliauna da stabiliser il stadi prussiaun cunter movimaints progressivs u revolutionaris. Suot ils scolars penda our Karl Marx chi as basaiva sün Hegel.

In opposiziun a la filosofia sistematica staiva dal prüm davent üna direcziun chi dvantaiva cuntschainta pü tard suot il nom filosofia d'existenza. Ün dals exponents ils pü importants d'eira il danais Søren Kierkegaard.

Ouvras

L'ouvra la pü extaisa:

• Enzyklopädie der philosophischen Wissenschaften = enciclopodia da las scienzas filosoficas (a partir dal 1816)

In vista a l'enciclopedia es l'ouvra cumpletta structureda seguaintamaing:

I. Wissenschaft der Logik = scienza da logica (1812–16, surlavureda 1831)

II. Naturphilosophie = filosofia da natüra

III. Philosophie des Geistes = filosofia da spiert

• Phänomenologie des Geistes = fenomenologia dal spiert (1806/07 – oriundamaing la prüma part d'ün sistem na accumplida da pü bod)
• Grundlinien der Philosophie des Rechts = lingias fundamentelas da la filosofia dal dret (1821)
• Philosophie der Geschichte = filosofia da l'istorgia
• Philosophie der Religion = filosofia da la religiun
• Vorlesungen über die Ästhetik = prelecziuns sur da l'estetica (1835-1838)
• Vorlesungen über die Geschichte der Philosophie = prelecziuns sur da l'istorgia da la filosofia

Colliaziuns

• Las ouvras da Hegel tar zeno.org