Questa pagina è scritta en sursilvan. Igl exista er in artitgel davart il medem tema en rumantsch grischun.

La ghitara (dil grec κιθάρα, oriundamein la Kithara, in instrument semegliont a la lira) ei in instrument da musica. Ord vesta dil tun ei ella in instrument da cordas ed ord vesta dalla tecnica da sunar in instrument da trer. Davart la generaziun dil tun vegn differenziau denter ghitaras acusticas e ghitaras electricas (e-ghitaras).

Ghitara classica

Tips modifitgar

Ina ghitara usitada ha sis cordas culs tuns E, A, D, G, H, E (en successiun da bass tier ault), in tgau, in culiez ed in corp. La differenza denter ghitaras acusticas e ghitaras electricas ei, ch'il tun dalla ghitara vegn sulettamein rinforzaus entras in spazi vit el corp dalla ghitara. Tier la ghitara electrica vegnan las vibraziuns dallas cordas priu giu da recepturs da tun magnetics e tarmess vinavon tras il cabel en in amplificatur. Denter las ghitaras electricas differenziesch'ins era aunc denter ghitaras normalas e ghitaras miez resunontas, las qualas ein era electricas, han denton era in spazi vit en lur corp. Tier las acusticas differenziesch'ins denter ghitaras classicas (cun cordas da nilon) e ghitaras da western (cun cordas da atschal), las qualas vegnan denton era avon cun recepturs da tun.

Effects modifitgar

Oravon tut ghitaras electricas vegnan savens duvrai cun pedals dad effect, ils quals vegnan plazzai ella cadeina da tun denter la ghitara ed igl amplificatur. Entras quels pedals san ghitarists variar lur tun tenor gust. Ils pedals san vegnir tschentai en ed ora e san purtar dapli sun ni distorsiun, els san prender si ni compressar il tun ed aunc bia autras caussas.