Gian Battista Macolino
Biografia
modifitgarGian Battista Macolino ei naschius a Gualdera di Fraciscio, en Val S. Giacomo, mo carschius si a Clavenna empren el la professiun da notar e vegn bab da quater feglias ed in giuven che vegn medemamein pictur, denton meins enconuschent. Giambattista "il giuven"[1][2]. Tenor fontaunas va el frequentamein a picturar a Lierna ed al lag da Sogn Murezi. Macolino ei staus il pli remarcabel pictur dil Lag da Como e dallas vals circumstontas.[3].
Museum
modifitgarSias ovras vegnan presentas en numerusas casas e galerias publicas, seigi ell'Italia ni en Svizra.
- Museo valtellinese di storia e arte, Palazzo Sassi, Sondrio
- Chiesa di S. Ambrogio, Lierna
Ovra
modifitgar
L'emprema ovra da "Macolino il vegl", ei era la pli impurtonta, numnadamein "La Beata Vergine del Rosario" conservada ella Baselgia da S. Ambrogio a Lierna, sper il lag da Como ed ei accessibla al public. Ei setracta d'ina teila picturada cun ieli digl onn 1628 che muossa Nossadunna da Rusari, bambin, Sogn Domenic e Rosa da Lima.[4] Il maletg representa la visiun dil pictur digl Uorden dils Frars predicaturs, fundaus da Sogn Domenic, numnadada "La Cruna da Rosas da Nossa Signura". Secund las fontaunas historicas ha quei cult religius siu origin el temps medieval. Macolino dil reminent sefatschenta cul tema dalla Cunterrefuorma, viva el gie sil cunfin cun tiaras protestantas.[5]
En Surselva ha la fraternitad menziunada incumbensau Macolino egl onn 1630 cun in grond maletg d'ieli sin teila da 4 sin 8 meters che muossa la battaglia da Lepanto. En quella battaglia maritima ha in'allianza cristiana dumignau las truppas osmanas. 1656 ha Gian Battista Macolino picturau sco giavischau aschia ch'il maletg sesanfla aunc oz ella Baselgia Pleif a Vella.
Egl onn 1633 han paders caputschins surpriu il survetsch ella baselgia catolica da Sagogn, aschia ch'ella ei vegnida renovada. Ils maletgs dad aulta qualitad ein vegni picturai sillas preits al fresco entuorn igl onn 1640 da Gian Battista Macolino.
Referenzas
modifitgar- ↑ [1] Enciclopedia Treccani
- ↑ http://www.fraciscio.it/giovan-battista-macolino/
- ↑ Simonetta Coppa, I Macolino: pittori chiavennaschi del Seicento, 1996
- ↑ https://web.archive.org/web/20170412061633/http://www.vaol.it/it/chiavennaschi-nella-storia/giovanni-battista-macolino-1605-1675-circa.html
- ↑ https://web.archive.org/web/20171108100211/http://www.lierna.net/pages/turismo/arte%20e%20cultura/beata%20vergine%20del%20rosario.html
Bibliografia
modifitgar- Simonetta Coppa, I Macolino: pittori chiavennaschi del Seicento, 1996
- Archivio Parrocchiale di Lierna, Libri dei Legati
- Archivio Storico della Diocesi di Como
- Pitture in Alto Lario e in Valtellina dall'Alto Medioevo al Settecento a cura di Fondazione Cariplo, Cinisello Balsamo 1995
- Atti presso l'Archivio di Stato di Sondrio
- Storia del contado di Chiavenna G. B. Crollalanza, 1870
- Simonetta Coppa, Franco Monteforte, Civiltà artistica in Valtellina e Valchiavenna, 1998
- Stefano Della Torre, Tiziano Mannoni, Valeria Pracchi, Magistri d'Europa: eventi, relazioni, 1996