Gudrun Pausewang
|
Questa pagina è scritta en sursilvan. |
Gudrun Pausewang (* 3 da mars 1928 a Wichstadtl, Tschechoslovachia; † 23 da schaner 2020 a Bamberg, Germania, cun num civil Gudrun Wilcke) ei ina scriptura tudestga.
Vita
modifitgarGudrun Pausewang ei naschida il 1928 a Wichstadtl en la Tschechoslovachia (oz: Mladkov en Tschechia). Leu passenta ella ina biala affonza cun ses tschun fargliuns. Il bab croda 1943 ell'uiara en Russia. Cun 17 onns banduna ella cun sia famiglia sia patria e scappa entochen Hessen. Suenter haver frequentau la scola primara, absolvescha ella igl abitur e studegia silsuenter agl institut pedagogic. Lura lavura ella in pèr onns sco scolasta e perfin sco menadra da scola en Tiaratudestga ed ell'America Latina. Ell'America Latina rimna ella ina massa experientschas e novs impuls u novas ideas per sias ovras litteraras. 1968 banduna ella aunc ina ga sia patria e passenta tschun onns ella Columbia. Ella tuorna cun siu um ed in fegl che ha da gliez temps dus onns. Tochen a sia pensiun ei ella puspei occupada sco scolasta a Hessen.
Ovra
modifitgarCaracteristic per ses cudischs ein cunzun la coluraziun, il plascher da veta e la direzia sociala dalla veta latinamericana. Il cudisch Viadi d'avust ed aunc ulteriurs cudischs per giuvenils setractan dall'uiara e dalla paupradad. Savens ei ella sefatschenta cun quellas tematicas ed ei s'engaschada per giustia e pasch. Denton ei dunna Pausewang tatta ed ha publicau varga 80 cudischs. La gronda part per affons e giuvenils.