Hans Martin Sutermeister
Hans Martin Sutermeister (* ils 29 da settember 1907 a Rued (vischnanca en il chantun Argovia); † ils 4 da matg 1977 a Basilea) è stà in scriptur e politicher svizzer. Ses tat è stà il scriptur Otto Sutermeister, ses bab il plevon protestant dal vitg, Friedrich Sutermeister. La famiglia dischlocà a Binningen; Sutermeister ha l’emprim visità il gimnasi umanistic a Basilea, nua ch’el ha fatg la matura l’onn 1926. Malgrà ses talent da cumponer ha el entschet a studegiar medischina; l’entschatta da ses studi ha Sutermeister passentà a Basilea e Berna, gia suenter in semester ha el dentant midà a Germania (doctorat l’onn 1941). Là ha el scrit il roman autobiografic Zwischen zwei Welten (En las scolas tudestgas tutga quest’ovra oz tar la lectura da standard). Plinavant è la chasa editura Hans Huber daventada durant quest temp si’editura fixa (Von Tanz, Musik und andern schönen Dingen; Psychologie und Weltanschauung). Ses emprim cumposiziun publitgà è naschì ils onns 1948/49: Kleiner Walzer. L’onn 1956/7 ha Sutermeister maridà, ed els dus èn ids a star a Berna. Sutermeister ha cumenzà a scriver reportaschas da detectiv ch’èn per part cumparids en il Beobachter (Pierre Jaccoud, Maria Popescu, Robert Willi). Per si’ovra – che cuntegna sper ils essais e referats – ha Sutermeister survegnì ina massa premis. Ils onns sessanta sa chattava ses success en la publicitad sin il zenit.
Sco autur critic ha Sutermeister prendì posiziun envers la politica internaziunala, e quai en essais e referats. Exempels èn il text da pressa Ist Moskau eine Reise wert (1970) u Möglichkeiten einer inneren und äusseren Schulreform im Sinne der Gesamtschule in der Stadt Bern (1971). L’onn 1976 è naschì ses Summa Iniuria e Grundbegriffe der Psychologie von heute. Ils 4 da matg 1977 è Sutermeister mort en la vegliadetgna da 69 onns.
Citats
modifitgar- «Wer eine genügend dicke Haut hat, schafft es, ohne Rückgrat zu stehen.»