Hokkaidō
Hokkaidō (北海道? rum. cirquit da la mar dal nord) è la segund pli gronda insla dal Giapun. Ensemen cun pliras inslas pli pitschnas en la vischinanza furma ella la prefectura la pli settentriunala dal pajais. Congruent cun la prefectura denominescha Hokkaidō era ina da las regiuns dal Giapun.
La prefectura aveva a la fin dal 2005 var 5,7 milliuns abitants, dals quals 25'000 appartegnevan a la minoritad indigena dals Ainu. La citad la pli gronda ed a medem temp la residenza da l'administraziun prefecturala è Sapporo. La citad situada il pli al nord da Hokkaidō e dal Giapun insumma è Wakkanai.
Giapunais ch'èn naschids sin Hokkaidō sa numnan Dosanko (道産子?) che munta „uffant ch'è naschì sin Hokkaidō“ u simplamain „figl/figlia da Hokkaidō“.
Colliaziuns modifitgar
Commons: Prefectura da Hokkaidō – Collecziun da maletgs, videos e datotecas d'audio- Hokkaipedia, in'enciclopedia libra davart Hokkaidō (englais)