Jachiam Bifrun (* 8 d'avrigl 1506 a Samedan, † 13 da december 1572 a Samedan) è stà in reformatur rumantsch.

L'g Nuof Sainc Testamaint (1560)

El è il figl da Gian Bifrun ed Ursina Tütschett. L'onn 1518 va el gia a scola giu Turitg, nua ch'el vegn baud en contact cun Huldrych Zwingli e sia refurma. Cun 16 onns accepta el la confessiun evangelica. Da Turitg sa renda il giuven student a Paris per studegiar durant sis semesters il dretg. Suenter trais onns turna el tar ils ses, da quel temp domiciliads a Tiraun. Silsuenter fa el il giurist e notar a Samedan. L'onn 1531 marida el Maria Andreolo. El daventa ils proxims decennis pliras giadas mastral da l'Engiadin'ota, derschader, delegà a la Dieta e cussegliader da la Lia da la Chasa da Dieu.

Jachiam Bifrun ha translatà l'emprim cudesch rumantsch en putèr, numnadamain il L'g Nuof Sainc Testamaint dal 1560. Quist cudesch n'è dentant bitg vegnì translatà dad el sulettamain tenor la bibla tudestga, mobein era tenor la bibla taliana e franzosa. El sez è persvadì da quella translaziun rumantscha. El sa defenda encunter criticas davart il basegn da quella translaziun rumantscha.

Ovras modifitgar

  • Fuorma (Poschiavo 1552)
  • L’g Nuof Sainc Testamaint da nos Signer IESV CHRISTI. Prais our delg Lation & d’oters launguaux & huossa da noef mis in Arumaunsch, três IACHiam Bifrun d’Agnedina. Schquischo ilg an MDLX Biblia rhaetica (1560 probabel a Basilea)
  • Una cuorta & critiana forma da intraguidar la giuventüna & par lg prüm co e s’cognuoscha Deus & se d’vess. Alhura una declaratiun da la chredinscha Poschiavo (1560)


Colliaziuns modifitgar

Funtaunas modifitgar

  • Deplazes, G, FUNTAUNAS 1, tom 1, Lia Rumantscha, Cuira, 1987, 77-80.