Jakob Buchli

Jakob Buchli era in inschigner da maschinas svizzer che è naschí ils 4 da matg 1876 a Cuira. El era activ en la creaziun da locomotivas.

Suenter sia scolaziun dˋinschigner al politecnicum da Turitg è el anc stà in onn al politecnicum a a Turitg sco assistent da Aurel Stodola. Suenter in practicum da servetsch da transport tar ils viafiers unidas svizzras ha Buchli lavurà 1902 tar la SLM a Winterthur. Là ha el s’occupà cun in sboz d‘ina part mecanica da l‘emprima locomotiva electrica. Davent da 1907 ha el surprendí l‘administraziun dal biro da construcziun sco successur da Olaf Kjelsberg in inschigner norvegiais. 1910 ha Buchli midà tar BBC a Baden. Là è el stà fin 1924 priminschigner per tracziuns electrics. Sut ses cumond hanˋins l‘emprim sviluppà la tracziun da duas e da trais stangas per motors. Suenter è suandada ina tracziun per motors pli sperts senza stangas d‘accuplar. Ma il motor era anc adina plazzà en ina chascha a penna. Quella sviluppaziun è vegnida patentada 1918 e vegn numnada „BBC-Einzelachsenantrieb“. Ma ozendi è quella tracziun enconuschenta cun il num tracziun Buchli. Ina autra invenziun da Buchli é stada il stgaffal Java. Quest stgaffal ha megliurà la qualitad da sa mover tar locomotivas en las curvas. 1924 ha Buchli puspè midà tar SLM. Là ha el surprendí il post da directur dat Olaf Kjelsberg. Malgrà lˋincumbensa directiva ha Buchli anc adina sviluppà novas construcziuns, sco la tracziun universala da SLM, il stgaffal da Buchli ed il stgaffal movibel Duplex per locomotivas spertas. 1932 è Buchli vegní elegí en il cussegl d'administraziu da SLM. 1934 è el là era vegní president. Buchli era era docter honoris causa da la universitad tecnica da Darmstadt e comember da gimnasts e gimnastas tar Utonia Turitg.