La Posta Svizra
La Posta Svizra (tudestg: Die Schweizerische Post, franzos: La Poste Suisse, talian: La Posta Svizzera) è la cumpagnia postal da la Svizra.
Istorgia modifitgar
- → Artitgel principal: Istorgia da la posta svizra
La Posta Svizra dad oz è vegnida fundada il prim da schaner 1849; ella ha surpiglià l’administraziun centrala dals transports da persunas sco er la consegna da spediziuns postalas e spediziuns da daners. L’onn 1920 èn vegnids unids ils servetschs da telefonia e telegrafia cun la posta; dapi lura ha quella gì num PTT (posta, telefon, telegrafia). Il 1997 è la PTT sa spartida en dus concerns: la Posta svizra odierna (incl. Auto da Posta e Postfinance) e la Swisscom ch’ha surpiglià ils servetschs da telecommunicaziun. Il 2013 è la Posta vegnida transfurmada en ina societad acziunara; ma possessura resta vinavant la Confederaziun – en la rolla d’acziunara che posseda 100 % da las aczias.