Ladins da las Dolomitas

En il center dal territori dals Ladins da las Dolomitas stat ina muntogna, il Massiv dal Sella al nord da l'Italia. Davent da qua entschaivan las 5 valladas ladinas cun lur 5 idioms. Questas tschintg valladas èn: la Val Badia cun la Val laterala Mareo, la Val Gherdeina, la Val Fascia, la Val Fodom ed Ampezo. Ils Ladins èn dividids politicamain ed era administrativamain en trais provinzas talianas, numnadamain quellas da Trent, da Bulsaun e Belluno. Per ils Ladins na datti betg in center en lur valladas, mintga val è orientada vers ina citad ordaifer ils cunfins da la val. 35'000 da 40'000 persunas che vivan en las Dolomitas èn da lingua ladina.

Las Dolomites datiers da Cortina d'Ampezzo. Punta Fiammes (2240m), Forcella Pomagagnon (2178m), Croda di Pomagagnon (2450m) (da sanester a dretg)

Colliaziuns

• Novitads e reportaschas en il dossier «Ils Ladins en las Dolomitas – ina visita tar parents pauc enconuschents» da Radio e Televisiun Rumantscha (2006)