mesPledaris
mesPledaris è in project da pledari online per tschertgar pleds rumantschs. Sco translaziun stattan a disposiziun las linguas tudestg, talian, franzos ed englais. Uschia po mintgin s'informar en ils quater lungatgs principals da la Svizra. mesPledaris funcziuna dentant er en l'autra direcziun. Ins po tschertgar pleds rumantschs (RG ed idioms) or dal tudestg, talian, franzos ed englais. En pauc temp vegn er a star a disposiziun in vocabulari rumantsch - russ - rumantsch en mesPledaris. Il pledari vegn elavurà da Mike Evans.
Co funcziuna il pledari? modifitgar
Sch'ins vul tschertgar in pled datti differentas pussaivladads da far quai. Ins sa endatar la finiziun dal pled rumantsch, sco era mo la part interna dal pled. Uschia èsi fitg simpel da tschertgar chavazzins.