Oscar Peer (* 23 d'avrigl 1928 a Lavin en Engiadina Bassa; † 22 da december 2013 a Cuira) è stà in scriptur e filolog rumantsch.

Oscar Peer è naschì ils 23 d'avrigl a Lavin en ina famiglia da purs. Oscar entschaiva in emprendissadi e fa suenter il seminari da scolasts a Cuira. El dat scola primara a Tschierv e Favugn. Curt suenter studegia el rumanistica a Turitg e Paris e concluda cun la dissertaziun: Der dichterische Ausdruck im Werke Gian Fontanas. Suenter elavura el per la Lia Rumantscha il Dicziunari ladin-tudais-ch e vegn elegius sco scolast da franzos e talian a Winterthur. 1970 turna el en il Grischun, al seminari da scolasts a Cuira. Sco ses frar Andri ha era Oscar scaffiu ovras litteraras per romontsch e per tudestg.

Ovras principalas modifitgar

  • Dicziunari ladin-tudais-ch. Cuoira: Lia Rumantscha, 1962
  • Eine Hochzeit im Winter. Erzählung. Zürich: Gute Schriften, 1972
  • Hannes. Bericht aus der Haft. Erzählung. Zürich: Gute Schriften, 1978
  • Accord. Raquint. Lavin: Chasa Paterna, 1978
  • Eva. Raquint. Lavin: Chasa Paterna, 1980
  • Viadi sur cunfin. Roman. Zernez: Uniun dals Grischs, 1981
  • Gärten über dem Strom. Erzählung. Zürich: Benziger, 1983
  • Grenzstation. Roman. Zürich: Benziger, 1984
  • Nozzas d`inviern. Roman. Zernez: Uniun dals Grischs, 1988
  • Il grond Corradi. Zernez: Uniun dals Grischs, 1990
  • Teodor. Raquint. Lavin: Chasa Paterna, 1992
  • Tanter di e Not. 3 Raquints. Zernez: Uniun dals Grischs, 1993
  • Wohnstätten am Inn. Hörbuch. Basel: Leta Peer, 1998
  • La chasa veglia. Raquint. Lavin: Chasa Paterna, 1999
  • La rumur dal flüm. Roman. Zernez: Uniun dals Grischs, 1999. Reediziun. Cuira: Chasa Editura Rumantscha, 2011
  • Intermezzos. Zernez: Uniun dals Grischs, 2002
  • Eva ed il sonch Antoni. Zernez: Uniun dals Grischs, 2003
  • Akkord. Retuorn. Zürich: Limmat Verlag, 2005
  • Das alte Haus. La chasa veglia. Zürich: Limmat Verlag, 2010
  • Die Unschuldigen. 7 Variationen. Chur: Desertina, 2011

Carolina modifitgar

Oscar Peer turna anavos a Carolina, il lieu da sia giuventetgna. El raquinta davart sia uffanza. Tar mintga lieu a Carolina vegn ad el endament ina tscherta situaziun, ina tscherta savur e differentas ramurs. Vinavon raquinta el davart las visettas ch'els han gia a Carolina. El menziunescha era en tge relaziun ch'el è sta cun Segner. Il davos sto Oscar Peer constatà che nagut es pli sco ch'ei era ina giada.

Funtaunas modifitgar

  • Deplazes, G., Funtaunas, Istorgia da la litteratura rumantscha per scola e pievel, tom 4, Lia Rumantscha, Cuira, 1993.

Colliaziuns modifitgar