Puerto Montt
 |
Quest artitgel è in sboz. Cun l'amplifitgar (co?) gidas a meglierar la Vichipedia rumantscha.
|
Puerto Montt è ina citad da port e vischnanca en il sid dal Chile, ch'è situada a la fin settentriunala dal seno de Reloncaví en la provinza da Llanquihue da la región de Los Lagos, 1'055 km en il sid da la chapitala dal pajais, Santiago. La vischnanca cuvra ina surfatscha da 1'673 km² ed aveva il 2002 ina populaziun da 175'938. Ella cunfina cun las vischnancas da Puerto Varas en il nord, Cochamó en l'ost e sidost, Calbuco en il sidvest e Maullín e Los Muermos en il vest.
La citad e vegnida fundada pir il 1853 durant la colonisaziun tudestga dal Chile meridiunal. Malgrà quai è Puerto Montt en curt temp daventà pli grond che las citads vischinas pli veglias; quai grazia a sia posiziun strategica a la fin meridiunala da la vallada centrala chilena che serviva sco punct da partenza vers l'archipel da Chiloé, ils lais da Llanquihue e Nahuel Huapi e la Patagonia occidentala.
Puerto Montt è daventà renumnà e creschì fermamain cur ch'il Chile è daventà il segund pli grond producent da salmun dal mund en ils onns 1990 e 2000. Ma la crisa da l'aquacultura da salmun en il Chile vers la fin dals onns 2000 aveva sco consequenza almain temporara ina ferma dischoccupaziun. Il patrimoni cultural da la citad maschaida elements da la cultura chiloé cun l'ierta tudestga schebain che la citad ha attratg en ils davos 30 onns in dumber enorm d'emigrants or da l'entir pajais ch'eran en tschertga da lavur.
Colliaziuns
modifitgar |
Commons: Category:Puerto Montt – Collecziun da maletgs, videos e datotecas d'audio |