Región Metropolitana de Santiago

La Región Metropolitana de Santiago è ina da las quindesch regiuns dal Chile. Ella cunfina al nord cun la Región de Valparaíso, al sid cun la Región del Libertador General Bernardo O'Higgins ed a l'ost cun l'Argentinia.

Charta dal regiun da Santiago

Cun ina surfatscha da 15'403,2 km² è ella la pli pitschna ma cun ina populaziun stimada da 7'003'122 abitants (2009) a medem temp la pli populada regiun dal pajais. La regiun sa cumpona da las provinzas da Chacabuco, Cordillera, Maipo, Melipilla, Santiago e Talagante. La chapitala da la provinza è Santiago de Chile, la chapitala naziunala.