Renzo Blumenthal
|
Questa pagina è scritta en sursilvan. |
Renzo Blumenthal (* 26 da december 1976 a Vella ella Val Lumnezia) era il Mister Svizra digl onn 2005.
Renzo ei el secund digls quater fegls dad Ursin e Carmen Blumenthal e stat aunc oz en siu vitg da naschientscha. Il lungatg principal dad el ei il romontsch sursilvan che dominescha er fermamein la vallada.
Giugadur da ballapei modifitgar
Oriundamein vuleva Renzo daventar profi da ballapei. 1996 giugava Blumenthal ella selecziun da juniors digls Grasshoppers da Turitg e veva persuenter in contract sco profi tier igl FC Sogn Gagl duront in miez onn tocha ch'ina blessura ha empediu el da far vinavont cun sia carriera da profi. El giugava denton aunc adina ballapei - tocha la stad 2005 pigl FC Cuera e dapi lu tier igl CB Lumnezia Degen, il club da sia regiun.
Pur modifitgar
Suenter la disfatga cun la carriera sco giugadur da ballapei ha Renzo Blumenthal empriu il mistregn digl pur. El lavura tier il menaschi puril biologic da ses geniturs a Vella.
Mister Svizra modifitgar
Er sco Mister Svizra stava el bugen a disposiziun per ils intents dall'agricultura. El moderescha alternativamein cun l'anteriura Miss Svizra Tanja Gutman l'emissiun Wunschkonzert tier il Buureradio. El ei in digls Misters Svizra cun il pli grond success: Duront siu onn d'uffeci ha el gudignau rodund 420'000 francs.