Roberto Ferruzzi (* 16 da december 1853 a Sebenico/Šibenik en Dalmazia (oz en Croazia);[1] † 16 da favrer 1934 a Luvigliano, vischnanca da Torreglia) è stà in pictur talian.

Il maletg da ‹La Madonnina› vegn savens reproducì.

Vita modifitgar

Cun quatter onns è Ferruzzi vegnì a Vaniescha. Suenter la mort nunspetgada da ses bab è el dentant turnà en Dalmazia, nua ch'el viveva fin ch'el aveva 14 onns ed è sa deditgà als studis classics ed a la pictura. Pli tard è el puspè turnà en Italia per viver a Luvigliano en la vischinanza da Vaniescha. Là ha el stgaffì sias ovras las pli impurtantas, tranter quels ‹La Madonnina›. Roberto Ferruzzi è mort ils 16 da favrer 1934 ed è vegnì sepulì al santeri da Luvigliano.

‹La Madonnina› modifitgar

Enconuschent è Roberto Ferruzzi vegnì surtut cun sia participaziun a la segunda Biennala da Vaniescha dal 1897. Là ha el exponì il maletg surnumnà cun l'intent da preschentar ina mamma cun ses uffant senza significaziun religiusa. Pir cun quell'exposiziun èsi vegnì tar il num ‹La Madonnina›. Il maletg è enconuschent sut blers nums, tranter quels Madonna con bambino, Madonna del Riposo, delle Vie,[2][3] della Tenerezza, Madonnella e Zingarella.

Annotaziuns modifitgar

  1. IL DALMATA, ottobre 2008
  2. Madonna of the Streets
  3. http://klosterarbeit.com/presse.pdf

Colliaziuns modifitgar

  Commons: Roberto Ferruzzi – Collecziun da maletgs, videos e datotecas d'audio