Santeri

Questa pagina è scritta en sursilvan.

In santeri, numnaus era plaz da sutterar, ei in liug nua ch’ins lai sutterar ils defuncts. Ina sutterada ei colligiada en biars cass cun ritus religius ni pagauns. En temps precristian vegn il cundrez dil santeri era numnaus èr da fossas ni necropolis.

cruschs da ghisa sil santeri dalla baselgia catolica a Sagogn

il santeri a Riein, situau giusut la baselgia reformada

Funcziun dil santeri

Santeris adempleschan impurtontas funcziuns en biaras culturas. Surtut ein els cheu per esser in liug nua ch’ils parents san seregurdar dils defuncts; normalmein ei quei liug claus dils loghens nua ils carstgauns vivan.

Cumparsa

La baselgia ed il santeri d’entuorn ei il bia circumdaus dad in mir. Sin santeri sez ha ei dapertut vias tier las fossas che stattan normalmein tuttas en ina direcziun. Per cultivar las fossas dat ei installaziuns, colligiaziuns d’aua e loghens per rumains verds. Mintga fossa ha siu monument, sil qual il num dil defunct ei screts, medemamein si’ annada ed igl onn dalla mort. Mintgaton dat ei aunc in verset ni proverbi sissu. Rehas famiglias han era fossas da famiglia, il bia vid il mir dalla baselgia, cun monuments pli maiestus. Si Riein dat ei ina fossa dalla famiglia Caspescha-Fanconi.

Litteratura

• Reiner Sörries: Ruhe sanft. Kulturgeschichte des Friedhofs. (ted.) ediziun licenziada, 2. tom, Wissenschaftliche Buchgesellschaft, Darmstadt 2011, ISBN 978-3-534-24450-8.

Colligiaziuns

• Santeris e fossas da persunalitads sil mund entir