Schuobacheclers
Schuobachechlers (tud.: Schwabengänger)
Enturn ils onns 1800 enfin viaden en ils onns 1914 gievan numerus uffants da scola (6 enfin 16 onns) dal Grischun, principalmain da la Surselva, en il Schuob. Uschia vegniva numnà la regiun enturn la citad da Ravensburg. Là vegnivan els sin in bain puril u tar in mastergnant sco famegls u fantschellas. Là stevan els tschintg enfin otg mais e turnavan alura a chasa cun in nov vestgì e novs chalzers. Cunquai che las famiglias eran fitg povras da quest temp, e n'avevan betg avunda da mangiar per tut ils uffants eran ellas cuntentas da betg stuair dar da mangiar anc ad in uffant dapli. Ins enconuscha era uffants che èn vegnids tractads mal a l'ester.