Scola auta turitgaisa dals arts
|
Questa pagina è scritta en vallader. |
La scoula ota zürigaisa dals arts (Zürcher Hochschule der Künste o ZHdK per tudais-ch, Zurich University of the Arts per inglais, Scola auta turitgaisa dals arts per rumantsch grischun) es la plü gronda scoula ota dals arts in Svizra ed ha 2500 students (2009).
Ella es naschüda our da la fusiun da la Hochschule für Gestaltung und Kunst (HGKZ) e la Hochschule für Musik und Theater (HMT), ed ella es üna da quatter scoulas parzialas da la scoula ota specialisada zürigaisa.
La scoula ota zürigaisa dals arts spordscha cuors per il bachelor e master sco eir per la fuormaziun supplementara aint ils roms art, design, pedagogia museala, teater, film, coreografia e transdisciplinarità. Ella s'ingascha eir illa perscrutaziun, impustüt illa perscrutaziun dals arts e dal design.
Affiliats a la scoula ota zürigaisa dals arts sun il Museum für Gestaltung Zürich, il Theater der Künste, il Musikklub Mehrspur ed il center d'infuormaziun MIZ.