Seraplana
|
Questa pagina è scritta en vallader. |
Seraplana es üna fracziun dal cumün politic vallader Valsot (fin il 2012 Ramosch). Ella as rechatta 3 km davent dal cumün Ramosch, aint in üna foppa sün 1150 m.s.m.
Seraplana ha ca. 50 abitants cun üna majoranza refuormada e quasi tuots discurrind l'idiom vallader. La populaziun lavura ill'agricultura obain i'l sectur terziar a Scuol, il lö principal da l'Engiadina bassa, 12 km davent da Seraplana. A Seraplana as rechatta üna falegnamaria.
Cumbain cha Seraplana tocca a Ramosch in reguard al cumün politic, la baselgia e la scoula, capita il provedimaint postal davent da Strada.
Seraplana es situada ün kilometer davent da la via principala 27 e la lingia d'autos da posta Scuol–Martina maina via Seraplana.