Telesguard
Il Telesguard è ina emissiun d'infurmaziun che vegn producida da la Televisiun Rumantscha (TvR) per las Rumantschas ed il Rumantschs. L’emissiun tracta temas actuals e temas che han in connex cun la Rumantschia u cun il pievel rumantsch. La Televisiun Rumantscha tutga tar l’unitad d’interpresa da la Societad Svizra da Radio e Televisiun che sa numna Radiotelevisiun Svizra Rumantscha (RTR). L’emissiun vegn emessa da glindesdi fin sonda enturn las 17.40 live dal studio da la Televisiun Rumantscha a Cuira.
| Telesguard | |
|---|---|
 Logo actual dal Telesguard | |
| Gener | emissiun d'infurmaziun |
| Pajais | Svizra |
| Lingua | rumantsch |
| Producziun | |
| Durada | 10–15 minutas |
| Producziun | Radiotelevisiun Svizra Rumantscha |
| Diffusiun | |
| Emettur | SRF 1 |
| Emprim'emissiun | 5 da favrer 1980 |
| Vegliadetgna recumandada | Nagina restricziun |
| Pagina-web | www.rtr.ch/ |
Diffusiun modifitgar
Il Telesguard vegn emess sin ils emetturs SRF 1, RSI LA 2 ed SRF info. Grazia a la diffusiun sin SRF info è il Telesguard era disponibel en l’entira Europa via ils satellits d’Eutelsat. SRF info è l’unic chanal da la SRG SSR che vegn derasà via satellit nuncodà.
Istorgia modifitgar
Ils 5 da favrer 1980 vegn l’emissiun Telesguard emessa per l’emprima giada. Ina giada per emna vegniva il pievel rumantsch infurmà en rumantsch durant 10 minutas. 1995 han ins lura schlargià il temp d’emissiun sin 15 minutas. 1998 hai lura dà in’ulteriura midada. La Televisiun Rumantscha producescha il Telesguard a Cuira empè da Turitg. Intgins onns pli tard vegn la frequenza dal Telesguard auzada. Davent da Pasca 1994 na vegn il Telesguard betg mo emess la sonda, mabain il glindesdi, la mesemna ed il venderdi a las 18.50 e quai durant 6 minutas. Mintga lavurdi Telesguard hai lura gì num l’onn 1999. Dapi l’onn 2005 datti il Telesguard sco quai che nus enconuschain ozendi el. Dal glindesdi fin la sonda a las 17.45. Era il temp d’emissiun è daventà pli lung. Almain 10 minutas metta la Televisiun Svizra a disposiziun per l’emissiun d’infurmaziun rumantscha. Suenter che Radio e Televisiun Rumantscha han midà chasa ils 6 da zercladur 2006 ed èn era tuts sut in sulet tetg, vegn il Telesguard emess live or dal studio a Cuira