Theodor Huser
Theodor Huser (20.7.1950*) ei in sculptur da crap svizzer. El ei staus actur e musicant e ha creau biaras atgnas producziuns, decoraziuns scenicas, exposiziuns, exposiziuns en gruppas sco era ovras el spazi public. Theodor Huser ei naschius a Wettingen sco il pli giuven da quater fegls[1]. Siu aug, Walter Huser, era medemamein sculptur da crap. Entras el ei Theodor Huser vegnius fetg baul en contact cugl art e surtut cun la sculptura da crap. Las ovras da Rodin e Michelangelo han imprimiu el l’entschatta. Igl onn 1966 ha Huser cumpleniu la scola obligatoria a Wettingen. Dapi igl onn 1967 ha el visitau la scola d’art artisanadi a Turitg (oz «Zürcher Hochschule der Künste»). Silsuenter ha Huser absolviu in emprendissadi sco sculptur da crap ed ha aviert 1979 siu emprem atelier a Neuenhof, Argovia.
Sculpturas da crap e plasticas
modifitgar
Huser ha entschiet moderau: Cun nanins ord cement, marmor ni fier en siu atelier a Neuenhof. In da ses nanins cun il num «Buluu» ei vegnius exponius en il Sturenplan a Stockholm, 1974 en il simposium da sculpturas ed a Turitg ella Via dalla Staziun 1 sco era alla exposiziun svizzera da plasticas a Biel igl onn 1975[2]. En collaboraziun cun Beat Zoderer ed Attila Herendi ha Huber fabricau igl onn 1989 in’ovra monumentala. Quell’ovra representa ina gruppa da treis figura che emprovan dad alzar cun agid da stangas da fier pilasters ord la tiara. Quell’ovra ei vegnida exponida sin il plazzal dalla staziun a Baden. Medemamein a Baden sin la via «Ländliweg» ei ina ulteriura ovra da Huser plazzada, numnadamein l’ovra „10 gute Vorsätze“ digl onn 1991[3]. Ord ina retscha da sempels crap sefuorma ina gruppa da lavur cun citaziuns sco per exempel: “Aschia meina la via tiegl art entras la natira e la via tier la natira entras igl art e pertuccont quei eis ei buca sempel da passar sperasvi». Quell’ovra ei in’allusiun sin l’affera da cartotecas a Turitg[4][5]. Igl onn 1993 ha Huser produciu sper la scoletta Kappelerhof, Baden sia proxima ovra, ina raspada da creatiras coluradas cun il tetel: «Quei animal dat ei mo cheu»[6]. In onn pli tard ha Huser creau l’ovra cul num «Il crap da treis combas». Quel ei vegnius creaus en connex d’ina concurrenza dalla cummissiun dagl’art dil cantun Argovia. Il crap da treis combas ord grep da caltschina digl Jura schai sin in piédestal da betun sin la via culturala ad Aarau sper la scola cantunala (Neue Kantonsschule Aarau) [7]. Theodor Huser ha semegliontamein creau ils onns 1988,1989 e 1995 per l’exposiziun da Nadal ella casa d’art (Kunsthaus) ina exposiziun da gruppas. Leutier s’audan figuras che contan, che produceschasn gest tenor la temperatura differents tuns. Huser ha era collaborau cun Rolf Winnewisser[8]. Winnewisser e Huser han reconstruiu in grond crap chines dils studegiai el plazzal aviert intern dalla casa d’art (Kunsthaus). Meinsanual ei quei crap ussa el curtgin da Pipilotti Rist.
Producziuns musicalas e da teater
modifitgarHuser ha publicau tut sias ovras en quella sparta sco era per exempel la cumposiziun «Das Tongeheur II“ egl 1991. Quei ei succediu en collaboraziun cun siu frar Fritz Huser. La premiera da quei toc ei stada a Liestel egl arsenal (Zeughaus). Igl onn 1995 ha ei dau ina cuntinuaziun cun il num «Das Tongeheur IV» sin la fiasta da 950 onns Wettingen. Leu eran tuts quater frars sin la tribuna ed han creau tuns tut specials ord bottas d’arschella che vegnevan sdermenadas silla tribuna e silsuenter modeladas en novs instruments. Huser era buca mo activs sin la tribuna, mobein era davos las culissas. Naven digl onn 1976 entochen 1979 ha Huser luvrau tier la casa da teater „Schauspielhaus» da Turitg sco sculptur da teater, sco aschinumnau «Kascheur». Silsuenter ha el luvrau sur sesez sco Kascheur e susteniu gruppas da teater independentas. Igl onn 1992 ei il musical “Little Nemo” dad Urs Blöchlinger e Martin von Aesch vegnius realisaus[9]. Tier quel ha Huser operau sco Kascheur. En il cant ei Huser staus activs tier in toc da teater da Ruedi Häusermann igl onn 1993 entochen 1995. Leu ha el cantau e sunau diffenrents instruments. Quei teater ei vegnius mussaus a Berlin sin il plazzal «Rosa Luxemburg»[10].
Ulteriuras activitads
modifitgarHuser ei era staus creativs sin ulteriurs secturs, sco per exempel ella pictura. Cun siu frar Fritz Huser ha el creau igl onn 1992 in maletg da 50 meters per ina exposiziun a Wettingen. Quei maletg han ils dus frars scaffiu ed improvisau gest leu el liug. Igl onn 2015 han Huser e sia partenaria dau duront 7 onns scoletta a Birmenstorf[11].
Literaturverzeichnis
modifitgar- Julie Harbor und Theodor Huser: Theodor Huser Seiten, von 5.11.1996
Weblinks
modifitgar- ↑ [1] Fritz Huser, Die Huser Brothers. Zuletzt aufgerufen: 3.11.2023
- ↑ [2] Swiss Sculpture Exhibition. 1975. Zuletzt abgerufen: 2.11.2023
- ↑ [3] 'Aargau Tourismus' von Tourismusbüro Baden: "10 gute Vorsätze" von Theodor Huser. 6.05.2020. Zuletzt abgerufen: 1.11.2023
- ↑ [4] SIKART Lexicon: Theodor Huser. Zuletzt abgerufen: 28.10.2023
- ↑ [5] Kulturweg Limmat. 1.10.2022. Zuletzt abgerufen. 20.10.2023
- ↑ [6] Bauten für Schule, Kultur und Sport von Stefan Häuselmann. Zuletzt abgerufen: 2.10.2023
- ↑ [7] Kunst im öffentlichem Raum von Kunstkomission Aarau von August 2009. Zuletzt abgerufen: 26.10.2023
- ↑ [8] Aargauer Kunsthaus, Rolf Winnewisser Sammlung. Zuletzt abgerufen: 23.10.2023
- ↑ [9] Martin von Aesch von Zembi, 2023. Zuletzt aufgerufen: 29.10.2023
- ↑ [10] Ruedi Häusermann Baden Zusammen von 29.10. 1993. Zuletzt abgerufen: 1.11.2023
- ↑ [11] Bulletin 03/ 2014 von 02.7.2014. Zuletzt abgerufen: 2.11.2023