Utilisader:Benriac/Cudeschs/Tirol – Innsbruck/Introducziun

Sco regiun istorica cumpigliava il Tirol oriundamain in vast territori che s'extendeva dad omaduas varts dal Pass dal Brenner. Suenter la fin da l'Emprima Guerra mundiala è la regiun vegnida dividida il 1919 en il Tirol dal Nord e Tirol da l'Ost (che furman il stadi federativ austriac) ed en il Tirol dal Sid e Trentino (che furman la regiun autonoma taliana Trentino-Tirol dal Sid). Il pajais federativ cun sia chapitala Innsbruck èn stads segnads en il 20avel tschientaner d'in grond svilup sco regiun turistica, quai che dueva culminar il 1964 e 1976 cun manar tras ils gieus olimpics d'enviern.

Questa publicaziun preschenta las singulas epocas ch'han segnà il svilup dal Tirol sco regiun istorica e focusescha alura sin il Tirol sco pajais federativ da l'Austria. Ulteriurs artitgels èn deditgads a la chapitala Innsbruck ed a l'En che percurra il Tirol dal Nord. A la fin suondan intginas chartas geograficas. L'artitgel davart il pajais federativ Tirol porscha infurmaziuns detagliadas davart ils suandants temas:

Geografia
Istorgia
Populaziun
Politica
Economia ed infrastructura
Art e cultura

La versiun preschenta dal cudesch è vegnida preparada per la stampa il matg 2024. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.