Utilisader:D.Camenisch/Cudeschs/Classica viennaisa/Introducziun

Sco ‹classica viennaisa› vegnan designads ils radund 50 onns tranter il 1780 ed il 1830 che duevan furmar sco nagin'autra epoca la chapientscha da la musica d'auta cultura europeica. En il center da la classica – situada tranter baroc e romantica – stat l'ovra dals trais cumponists Joseph Haydn (1732–1809), Wolfgang Amadeus Mozart (1756–1791) e Ludwig van Beethoven (1770–1827).

Quest cudesch porscha l'emprim ina survista cumplessiva da las epocas da la musica classica ed ina caracterisaziun da la ‹Classica viennaisa›. Alura suondan – en successiun cronologica – las trais biografias da Haydn, Mozart e Beethoven. A mintga artitgel è agiuntà il catalog d'ovras respectiv. E per finir vegn dà in sguard a Vienna sco ‹citad da la musica›, ma er a ses svilup istoric e geografic en general.

La versiun preschenta dal cudesch è vegnida preparada per la stampa il zercladur 2017. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.