Utilisader:D.Camenisch/Cudeschs/Coniferas e plantas da feglia indigenas/Introducziun

Sco planta – en il senn da bostg, planta da lain – definescha la botanica ina planta da sem perenna che daventa lainusa e ch'è segnada da las suandantas trais parts centralas: ragischs, in'axa da chatsch principala da la quala la grossezza s'augmenta tras creschientscha sco er ina curuna cun feglia. Là nua che plantas chattan avunda glisch, chalira ed aua furman ellas guauds. Quels n'èn betg be spazis vitals prezius per ina gronda varietad da spezias (flora e fauna), mabain er da gronda muntada per l'uman.

Questa publicaziun porscha ina survista da las plantas da guaud indigenas las pli derasadas. La part principala cumpiglia ils purtrets da 8 spezias da plantas da guglias e 23 spezias da plantas da feglia (senza bostgaglia e senza plantas da niz, abstrahà da paucas excepziuns fluctuantas). En in chapitel d'approfundaziun suondan ils dus artitgels da basa ‹Planta› e ‹Guaud›. A la fin vegn l'ediziun cumplettada d'ina glista sinoptica dals nums da las spezias (num rumantsch – num scientific – num tudestg).

La versiun preschenta dal cudesch è vegnida preparada per la stampa l'avrigl 2020. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.