Utilisader:D.Camenisch/Cudeschs/Europa dal Vest/Introducziun

Ils pajais da l'Europa dal Vest che vegnan purtretads en quest cudesch èn il Reginavel Unì e l'Irlanda, ils stadis dal Benelux e la Frantscha (da la quala la part meridiunala sa laschass er attribuir a l'Europa dal Sid). Dal temp preistoric irradieschan en questa regiun per part fin oz ils fastizs dals Celts, als quals è deditgà in accent tematic a la fin da la publicaziun. Pli tard ha la posiziun a la costa da l'Atlantic fatg dals Englais, Franzos ed Ollandais impurtantas naziuns da navigaturs ed exploraturs. Ma er durant las epocas istoricas pli novas ha l'Europa dal Vest adina puspè mess accents politics, economics e culturals, per exempel en connex cun il svilup dals dretgs politics (Glorious Revolution, Revoluziun franzosa), la Revoluziun industriala (entschatta dal 19avel tschientaner) u il process d'unificaziun europeica (segunda mesadad dal 20avel tschientaner).

La versiun preschenta dal cudesch è vegnida preparada per la stampa il favrer 2020. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs. Il tom ‹Europa dal Vest› fa part d'ina retscha da cudeschs che preschenta ils singuls stadis da l'Europa (geografia, istorgia, politica e cultura).