Utilisader:D.Camenisch/Cudeschs/L'um ch'ha pers sia sumbriva/Introducziun
«Per ils Franzos sun jau memia tudestg e per ils Tudestgs memia franzos, per ils catolics protestant e per ils protestants catolic, ils aristocrats ma tractan da giacubin ed ils democrats da nobel... Nagliur na sun jau da chasa, dapertut vegn jau resguardà sco l'ester.» Cun ‹Peter Schlemihl› ha Adelbert von Chamisso, l'‹autur senza patria›, scrit in dals pli bels raquints da la romantica insumma.
Quest cudesch sa cumpona da duas secziuns, numnadamain da la part editoriala e da las materialias accumpagnantas:
- L'emprima part preschenta la translaziun integrala rumantscha dal raquint. Betg resguardadas èn vegnidas las brevs che stattan en l'original a l'entschatta ed a la fin dal text (cf. latiers las explicaziuns en l'artitgel correspundent).
- La segunda part cumpiglia texts explicativs che sa refereschan al raquint, a la vita ed ovra da l'autur sco er als tratgs caracteristics da l'epoca litterara da la romantica en general e dal gener da la paraula d'art en spezial.
La versiun preschenta dal cudesch è vegnida preparada per la stampa l'october 2016. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.