Utilisader:D.Camenisch/Cudeschs/Per lung dal Danubi/Introducziun

Bandunond la part orientala da l'Austria cuntinuescha il Danubi ses curs sur la Slovachia, Ungaria, Croazia, Serbia, Bulgaria, Rumenia e Moldavia per sbuccar a la fin en la Mar Naira. Questa publicaziun preschenta ils stadis per lung dal Danubi situads tranter il Balcan (en il sidvest) e l'Europa Centrala resp. da l'Ost (en il nord). Igl èn quai l'Ungaria, la Rumenia, la Moldavia e la Bulgaria. Sco remartgabladad linguistica da la regiun furman l'Ungaria e la Rumenia/Moldavia ina strivla betg slava tranter ils Slavs dal nord ed ils Slavs dal sid. En la segunda part (‹En il focus›) suondan ils artitgels d'approfundaziun ‹Danubi› e ‹Mar Naira› ed a la fin da la publicaziun porschan intginas chartas ina survista davart la geografia e las citads principalas.

La versiun preschenta dal cudesch è vegnida preparada per la stampa l'avrigl 2020. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.