Utilisader:D.Camenisch/Cudeschs/Telecommunicaziun/Introducziun

Il term telecommunicaziun cumpiglia scadin stgomi d'infurmaziun sur ina tscherta distanza. La communicaziun sur lunga distanza cumenza cun ils curriers e biros postals. En il decurs dal 19avel tschientaner èn alura sa fatgas valair innovaziuns tecnicas en furma dal telegraf e dal telefon. Ed ils ultims decennis èn marcads d'ina veritabla revoluziun digitala cun internet e smartphone – il telefonin che sa far (quasi) tut.

L'artitgel da survista ‹Istorgia da la telecommunicaziun› a l'entschatta da la publicaziun preschenta las premissas, las differentas furmas ed il svilup dal stgomi d'infurmaziuns sur lunga distanza, e quai dal temp preistoric fin oz. Alura suondan artitgels che tractan l'istorgia da la posta, il svilup dal telegraf, il telefon e las innovaziuns tecnicas pli novas internet e telefonin.

La versiun preschenta dal cudesch è vegnida preparada per la stampa l'avrigl 2020. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.