Utilisader:D.Camenisch/Cudeschs/Tibet/Introducziun
Il Tibet n'è nagin stadi independent, mabain ina vasta regiun en l'Asia Centrala che furma la patria dal pievel tibetan. Il territori è segnà da ses caracter autalpin (‹tetg dal mund›), dal budissem e dal Dalai Lama sco manader religius e politic sco er da la brama suenter independenza, surtut da la Regiun autonoma dal Tibet che sa chatta dapi il 1951 sut administraziun da la Republica Populara da la China.
La part principala da la publicaziun sa cumpona da l'artitgel da survista ‹Tibet› e dal purtret da la chapitala Lhasa. La segunda part serva ad approfundar aspects religius e politics, numnadamain cun ils artitgels ‹Budissem tibetan›, ‹Dalai Lama› e ‹Tumults dal 2008 en Tibet›. A la fin suondan intginas chartas geograficas. L'artitgel central ‹Tibet› porscha infurmaziuns detagliadas davart ils suandants temas:
- Definiziuns da ‹Tibet›
- Geografia
- Populaziun
- Lingua
- Istorgia
- Il status dal Tibet
- Cultura
- Economia
La versiun preschenta dal cudesch è vegnida preparada per la stampa il fanadur 2020. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.