Utilisader:D.Camenisch/Cudeschs/Tirchia/Introducziun
La Tirchia furma – sper il Kasachstan e la Russia – in dals trais stadis ch'èn situads tant en l'Europa sco er en l'Asia. Ed Istanbul, la metropola al Bosporus, vala schizunt sco suletta citad dal mund che s'extenda sur dus continents. Da questa posiziun ambiga tranter Orient ed Occident è er segnada l'istorgia dal pajais: L'influenza occidentala dal temp da l'Imperi roman ed Imperi bizantin – il pievel tirc cun ragischs en las steppas da l'Asia Centrala – l'influenza culturala e religiusa islamica dal temp da l'Imperi osmanic – la reorientaziun vers l'Europa sut Kemal Atatürk a l'entschatta dal 20avel tschientaner.
Questa publicaziun cumpiglia l'artitgel da survista ‹Tirchia› e vegn cumplettada a la fin d'intginas chartas geograficas. La part principala porscha infurmaziuns detagliadas davart ils suandants temas:
- Geografia
- Populaziun
- Situaziun sociala
- Sistem da furmaziun
- Istorgia
- Politica
- Militar
- Sutdivisiun administrativa
- Economia
- Infrastructura
- Medias e telecommunicaziun
- Cultura
- Sport
- Patrimoni natiral e cultural mundial
La versiun preschenta dal cudesch è vegnida preparada per la stampa il fanadur 2020. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.