Utilisader:MeLis Adragun/Cudeschs/Ditgas rumantschas/Introducziun
La paraula rumantscha è segnada d'influenzas tudestgas, talianas e franzosas. Arrivadas en las Alps cun emigrants ch'èn returnads en lur patria, èn questas tradiziuns narrativas vegnidas adattadas a las relaziuns localas. Impurtants collectaders da paraulas rumantschas èn stads Caspar Decurtins, Gian Bundi, Steafan Loringett e Leza Uffer.
Las paraulas s'auzan sin alas poeticas sur la realitad or; il temp ed il lieu n'èn betg inditgads. Tut auter sa preschenta la situaziun tar la ditga che furma l'autra part essenziala da la litteratura orala: quella relata d'in eveniment surnatiral, savens starmentus, ch'è localisà e che na vegn betg raquintà sco ficziun, mabain a moda realistica.
La retscha ‹Or da la trucca da stgazis da la tatta› sa cumpona da duas parts: ‹Paraulas rumantschas› (part 1) e ‹Ditgas rumantschas› (part 2). Ils texts preschentan ina schelta or dal ritg stgazi da la cultura narrativa. Quels derivan da la Crestomazia rumantscha, d'ulteriuras collecziuns da paraulas e ditgas, da vegls chalenders e cudeschs da scola.
Tschertas passaschas èn vegnidas reformuladas e simplifitgadas cun l'intent da render accessibel l'interessant material popular ad in public pli giuven (stgalim mesaun e superiur da la scola populara). Geograficamain maina il viadi da la Surselva sur il Grischun Central en l'Engiadina:
SURSELVA – PART SUPERIURA
Il dischariel
La platta da Caschlè
L'itg da far paintg
Il Blass da Lavaz
La dunna sper il dutg
Las tschalereras
SURSELVA – PART INFERIURA
Il giat nair a Rueun
Las tschalereras da Glion
Ils trais da Falera a Paris
L'alp devastada
SUTSELVA
Las mattauns che gievan al barlot
La plievgia d'aur
Il barlot
La stria da Casti
SURMEIR
Il paster da vadels sin las aclas da Surava
Il giuven ed il barlot
Las nitscholas da Padnal
La viola tschiffada en la sfessa
Las violas da Faller
Il tschierv
La serp alva
ENGIADIN'OTA
La signura da Morteratsch
Il nivel alv
Las cullas da Segl
ENGIADINA BASSA / VAL MÜSTAIR
Il pur malengraziaivel
In spectacul nocturn
Il stgazi zuppà
Ils Cuvels da las Dialas
Il tschadun engulà
Ina terribla malencletga
Las bunas gidantras dals purs
Il stgazi da Martina
Las dialas sin l'Alp da Munt
La dunna da la Sprella
La tegia sfundrada
La Fora da las Dialas a Müstair
La versiun preschenta dal cudesch è vegnida preparada per la stampa il favrer 2021. Maletg da cuverta: Theodor Kittelsen (1857–1914). Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.
