Utilisader:Mesoscaph/Cudeschs/Giats gronds selvadis/Jaguarundi

Detagls interessants

Jaguarundis han in num sumegliant als jaguars, ma èn il proxim parent dals pumas.
Cuntrari a la gronda part dals auters giats, èn els activs durant il di.
Els pon trair en lur griflas.
Els han bots sin la lieunga, numnads papillas, ch'als gidan a sgrattar charn giu da l'ossa.
Els dorman en stanzas serradas, per exempel en bists vids u taunas.

Il jaguarundi u giat-mustaila è ina spezia da giat selvadi che viva en l'America dal Sid. Il num jaguarundi maina en errur, pertge che ses proxim parent è il puma, betg il jaguar.

Nua vivan els?

Jaguarundis vivan en l'America Centrala ed America dal Sid. Là sa trategnan els en guauds clers, en la bostgaglia ed a l'ur da guauds. Mintgatant als pon ins però er observar sin surfatschas avertas u en il guaud tropic.

Co vesan els or?

Jaguarundis datti en la varianta da colur grischa...

...e plitost cotschnenta

Jaguarundis cuntanschan ina lunghezza da 65 cm, vitiers vegn la cua da 45 cm. Tut en tut po in jaguarundi pia avair ina lunghezza da 110 cm. Jaguarundis datti en duas variantas da colurs: l'ina cun pail grisch, l'autra cun pail brin cotschen.

Tge maglian els e co tschiffan els lur preda?

Purtret d'in jaguarundi cotschnent

Er sin jaguarundis vegn fatg chatscha pervi da lur pails

Il jaguarundi fa chatscha sin animals ruiders, cunigls, utschels e reptils. El viva sulet ed è activ da notg. Ils jaguarundis èn bain abels da raiver, fan quai però be darar ed en cas d'urgenza. Els sa movan pli gugent per terra. Lur statura schlanca è adattada per sa mover svelt tras las chaglias. Els san er nudar fitg bain e fan en tschertas regiuns chatscha sin peschs.

Co tiran els si lur pitschens?

Il temp da purtanza da la femella munta 65 dis, in letg dumbra dus fin trais pitschens. Jaguarundis han per ordinari duas giadas ad onn pitschens.

Ils geniturs als tiran si e mussan ad els tut quai ch'els dovran per surviver en la cuntrada selvadia. Damai che jaguarundis vivan sulets, bandunan ils giuvens insacura lur geniturs. Alura ston els esser abels d’applitgar quai ch'els han emprendì.