Utilisader:Mesoscaph/Cudeschs/Giats gronds selvadis/Prefaziun

VICHIPEDIA JUNIOR è ina retscha da cudeschs tematics che sa drizza ad uffants da ca. 10 onns ensi (stgalim mesaun resp. 2. ciclus tenor il Plan d'instrucziun 21). Ils texts derivan da Wikijunior ubain dal lexicon d'uffants Klexikon. En ina lingua bain chapibla dat la retscha invista en tematicas multifaras (natira, istorgia, geografia, uman e societad e.a.) – per a chasa u en scola, per stampar u duvrar online.

*

Cordial bainvegni tar il cudesch da Vichipedia Junior davart giats gronda selvadis ed auters giats selvadis! Ti chattas en quel ina descripziun da bleras spezias da giats da tut il mund. Almain las suandantas dumondas vegnan respundidas en mintga artitgel: Nua vivan els? Co vesan els or? Tge maglian els e co tschiffan els lur preda? Co tiran els si lur pitschens?

Vuls ti leger l'entir cudesch, alura cumenza cun l'introducziun. Quella tracta la moda da viver dals giats, lur origin ed istorgia. Ti pos però er eleger in singul animal or da la survista dal cuntegn. A la fin dal cudesch suondan infurmaziuns davart il privel d'extincziun dals giats e davart la tegnida da quels.

*

La versiun preschenta dal cudesch è vegnida preparada per la stampa il november 2021. Ulteriurs cudeschs da Vichipedia pronts per telechargiar sco e-book u per empustar sco cudesch stampà èn da chattar sut: https://rm.wikipedia.org/wiki/Wikipedia:Cudeschs.