Utilisader:Mesoscaph/Cudeschs/Noss sistem solar/Venus
|
Fatgs
|
La Venus è il planet che sa chatta il segund datiers dal sulegl. Ella è in planet che consista da crappa; perquai crajain nus che quel saja sa furmà a moda sumeglianta sco noss planet, la Terra.
Quant grond è il planet?
modifitgar.jpg)
La Venus ha pli u main la medema grondezza sco la Terra. Quai è in dals motivs, daco che la Venus vegn magari numnada ‹schumellin da la Terra›. La Venus ha in diameter da ca. 12 100 kilometers.
Co vesa or la surfatscha?
modifitgarLa surfatscha da la Venus sa preschenta tut auter che quella da la Terra. Ella è extremamain sitga e chauda avunda per far luar plum. La pressiun da gas sin la surfatscha è fitg auta. Circa tuttina sco sin la Terra en ina profunditad da l'aua d'in kilometer.
Sin la Venus datti chanals che vesan or sco flums. Ils scienziads èn da l'avis che quels sajan sa furmads tras lava. La lava è culada sur la surfatscha ed è sa sfradentada, furmond uschia quests chanals.
Ina caracteristica da la surfatscha da la Venus èn ils vulcans nunusitads che vegnan numnads arachnoids (‹en furma da filien›). Quests vulcans èn sa furmads en autra moda che auters vulcans da noss sistem solar. Nus na savain però betg precis co. Sin la Venus datti er vulcans ch'èn sco quels sin la Terra.
Parts da la surfatscha da la Venus vesan or sco continents. La pli gronda da questas surfatschas vegn numnada Ishtar Terra. Batschigls profunds sco quels sut ils oceans da la Terra han ins medemamain scuvert. Quels sin la Venus na cuntegnan però nagin'aua. Caracteristicas sco chadainas da muntognas e craters da meteorits datti medemamain sin il ‹planet schumellin da la Terra›. Ina da las pli autas muntognas sin la Venus, il Maxwell Montes, è circa 11 kilometers pli aut ch'il Mount Everest, la pli auta muntogna sin la Terra.
Quant ditg dura in di sin quest planet?
modifitgar
La Venus rotescha anc pli plaun ch'il Mercur. In di sin quest planet dura ca. 243 dis terresters. Ultra da quai rotescha el en l'autra direcziun cumpareglià cun la gronda part dals ulteriurs planets en il sistem solar. Sper la Venus fa quai be anc l'Uranus.
Quant ditg dura in onn sin quest planet?
modifitgarIn onn sin la Venus dura 225 dis terresters. Uschia dura in singul di pli ditg ch'in entir onn sin la Venus.
Da tge consista la Venus?
modifitgarSco il Mercur e la Terra consista er la Venus d'in nuschegl da fier, il qual è circumdà da grip/crappa.
Quant grev ma faschess la gravitaziun da la Venus?
modifitgar
Sche ti ta chattassas sin la Venus, pasassas ti quasi tuttina bler sco sin la Terra.
Tenor tgi è la Venus vegnida numnada?
modifitgarLa Venus è vegnida numnada suenter la dieua romana da l'amur. Magari pos ti vesair il planet curt avant la levada dal sulegl u curt suenter la rendida dal sulegl ad egl, perquai ch'ella glischa uschè ferm. Intgins pievels, sco ils Aztecs u ils Grecs, han dà a la Venus dus nums – in per la damaun ed in per la saira.
Perquai che la Venus e la Terra èn bunamain tuttina gronds, numnan intgins scienziads la Venus il ‹planet sora da la Terra›. Sur lung temp ha la gronda part dals scienziads pensà ch'i dettia sin la Venus plantas, animals e forsa schizunt umans. Oz savain nus ch'igl è bler memia chaud sin quest planet e ch'i na po perquai dar là nagina vita.