Wikipedia:Cudeschs/Europa
Europa dal Nord
modifitgar
|
Finlanda – Helsinki La Finlanda è in pajais da l’Europa dal Nord situà tranter la Svezia, la Norvegia, la Russia e la Mar da l’Ost. La caracteristica centrala da la cuntrada finlandaisa è sia ritgezza da lais. Il finlandais è ina da las paucas linguas betg indoeuropeicas che vegnan discurridas en l’Europa. Sur lung temp ha il pajais appartegnì a la Svezia (fin il 1809) e pli tard a la Russia (fin il 1917). |
|||||||||
Europa dal Vest
modifitgar
|
Londra La citad da Londra è vegnida fundada dals Romans, ha furmà dapi l’onn 1066 la chapitala dal Reginavel da l’Engalterra e dueva surpassar vers il 1800 sco ina da las emprimas insumma il dumber d’abitants d’in milliun. Sco sedia da la chasa roiala britannica e grazia a sias nundumbraivels attracziuns d’emprima qualitad furma Londra in veritabel magnet turistic. |
|||||||||
Europa dal Sid
modifitgar
|
Catalugna – Barcelona La Catalugna cun sia chapitala Barcelona furma en il nordost da la Spagna ina regiun da vacanzas e da cultura ordvart tschertgada. Sper la natira da la retroterra e las splagias da la Costa Brava attiran diversas attracziuns architectonicas ils turists. La Catalugna enconuscha però er in ferm moviment d’independenza che maina adina puspè a tensiuns politicas. |
|||||||||
|
Roma – Vatican Roma, la ‹citad eterna›, ha enconuschì in’istorgia sco strusch in’autra citad, segnada dals Romans, dal papat e da l’unificaziun taliana en il 19avel tschientaner. Oz porscha la chapitala da l’Italia, sper ina vasta paletta da museums e da cultura, il tipic flair talian. E quasi sco diamant entamez paradeschan il dom da S. Peder ed ils Museums dal Vatican. |
|||||||||
Europa Centrala
modifitgar
|
Svizra La Svizra è situada en il sidvest da l’Europa Centrala. La cuntrada dal pajais è caracterisada da la chadaina da las Alps. En il sid da quellas giascha il chantun Tessin, en il nord la Svizra Bassa e la chadaina dal Giura. Las quatter linguas naziunalas, la diversitad topografica e culturala ed il sistem politic federalistic fan da la Svizra la naziun fundada sin la voluntad politica par excellence. |
|||||||||
|
Germania La Germania, situada en la part settentriunala da l’Europa Centrala, è segnada d’ina ritga istorgia che tanscha dals Germans fin la reuniun dal pajais a la fin dal 20avel tschientaner. Sper l’istorgia preschenta quest guid a moda commensurada ils tratgs principals da la geografia, politica, economia e cultura dal pajais. A la fin cumpiglia la publicaziun intginas chartas geograficas. |
|||||||||
|
Baviera – Minca La Baviera è situada en il sidost da la Germania; i sa tracta dal pli grond stadi federativ dal pajais e da quel populà il segund ferm. La cuntrada è segnada da collinas fritgaivlas en la part settentriunala e da las Alps en la part meridiunala. La chapitala Minca ed ulteriuras citads grondas furman impurtants centers economics e culturals. |
|||||||||
|
Tirol – Innsbruck Sco regiun istorica cumpigliava il Tirol oriundamain in vast territori che s’extendeva dad omaduas varts dal Pass dal Brenner. Questa publicaziun preschenta las singulas epocas ch’han segnà il svilup e focusescha sin il Tirol sco pajais federativ da l’Austria odierna. Ulteriurs artitgels èn deditgads a la chapitala Innsbruck ed a l’En che percurra il Tirol dal Nord. |
|||||||||
|
Ungaria – Budapest L’Ungaria è in stadi continental situà a l’ur oriental da l’Europa Centrala. Il territori dal pajais sa chatta per gronda part en la Batschida Pannonica. Ils Magyars èn immigrads en il 9avel/10avel tschientaner nà da la regiun situada en l’ost da l’Ural. L’ungarais furma perquai in’insla betg indoeuropeica tranter pajais da lingua slava, romana e germana. |
|||||||||
Europa dal Sidost
modifitgar
|
Tirchia La Tirchia furma in dals paucs stadis ch’èn situads tant en l’Europa sco er en l’Asia. Ed Istanbul, la metropola al Bosporus, vala schizunt sco suletta citad dal mund che s’extenda sur dus continents. Da questa posiziun ambiga tranter Orient ed Occident è er segnada l’istorgia dal pajais. Sper la geografia e l’istorgia tracta questa publicaziun er aspects politics, economics e culturals. |
|||||||||
.jpg)