Wikipedia:Cudeschs/Lecturas ord terra rumantscha

Da pli baud

Dis d’uffanza

Dis d’uffanza Regurdientschas da giuventetgna ord terra rumantscha, 1840–1910 Quest cudesch preschenta ina schelta da reminiscenzas (auto-)biograficas or da l’entir intschess rumantsch. I sa tracta da regurdientschas d’uffanza e da giuventetgna che dattan invista en la vita da mintgadi dals onns davent da la fundaziun dal stadi federal fin l’Emprima Guerra mundiala – e quai savens a moda pli directa ed autentica che baininqual text che fa part dal canon litterar.  » Dapli infurmaziuns

Raquints

L’Indian grischun

L’Indian grischun Gion Antoni Bühler Cun ‹L’Indian grischun› ha Gion Antoni Bühler (1825–1897) tschentà in monument a l’istorgia e cultura da sia vischnanca nativa Domat; e la segunda mesadad da la novella tematisescha l’emigraziun sur mar ch’era tuttavia anc actuala da quel temp. Il text original en ‹romontsch fusionau› è cumparì l’onn 1890 en las Annalas. L’autur è stà magister, dirigent, redactur, confundatur da la SRR e scriptur.  » Dapli infurmaziuns

Paraulas e ditgas

Paraulas rumantschas

Paraulas rumantschas Or da la trucca da stgazis da la tatta, part 1 Las paraulas rumantschas èn segnadas dal fatg ch’in fundus narrativ europeic è vegnì adattà a las relaziuns localas. Questa collecziun cumpiglia classichers sco ‹Bucobello›, ‹Tredeschin› u ‹Las trais clavs d’aur›, ma er ina u l’autra paraula main enconuschenta. Ils texts derivan da las enconuschentas collecziuns da Caspar Decurtins, Gian Bundi, Leza Uffer e.a.  » Dapli infurmaziuns

Ditgas rumantschas

Ditgas rumantschas Or da la trucca da stgazis da la tatta, part 2 Las ditgas tematiseschan il surnatiral e maiudì ch’ellas emprovan d’explitgar e da render qua tras perceptibel. Ils texts da questa collecziun derivan da la Crestomazia rumantscha, la Mythologische Landeskunde, divers cudeschs da paraulas, vegls chalenders e cudeschs da scola. Geograficamain maina il viadi da la Surselva sur il Grischun Central en l’Engiadina.  » Dapli infurmaziuns