Wikipedia:Cudeschs/Prosa rumantscha

Engiadin’Ota

ANTON FILIP GANZONI

Anton Filip Ganzoni Raquints e paraulas Anton Filip Ganzoni (1800–1881) n’è betg sa preschentà u vegnì recepì da ses temp da vita sco scriptur, mabain sco politicher e sco derschader e mediatur stimà. Ses relasch litterar è vegnì edì pir l’onn 1963 e cumpiglia quatter raquints cun caracter da regurdientschas d’uffanza e sis paraulas – ovras che Ganzoni ha probablamain translatà ubain adattà en rumantsch tenor la memoria.  » Dapli infurmaziuns

Engiadina Bassa

PEIDER LANSEL

Peider Lansel Crestas-cot alvas ed auters raquints Tut en tut cumpiglia il relasch da Peider Lansel (1863–1943) quatter raquints. En furma d’ediziun cumplessiva èn quels cumparids il 1933, l’onn da las grondas festivitads per il 70avel anniversari da l’autur. Ils texts raquintan da l’idilla alpestra en l’Engiadina Bassa e d’ina amur persa, dal destin dals emigrants engiadinais en l’Italia e dal return dals Randulins en lur patria bramada.  » Dapli infurmaziuns

Il Plaun

GION ANTONI BÜHLER

Gion Antoni Bühler Novellas I e II L’autur e magister Gion Antoni Bühler (1825–1897) ha scrit betg main che dudesch novellas, mintgina d’ina lunghezza respectabla. Las emprimas sis (che furman qua il tom I) èn cumparidas oriundamain ils onns 1867–1868 en ‹Il Novellist›, las ulteriuras sis (tom II) a partir dal 1886 en las ‹Annalas›. L’ediziun preschenta unescha per l’emprima giada tut las novellas en in’ediziun cumplessiva.  » Dapli infurmaziuns I / II

Surselva

GIACUN HASPER MUOTH

Giacun Hasper Muoth Raquints L’onn 1875 cumparan en il feuilleton da la gasetta liberala ‹Il Patriot› ils dus raquints ‹Marionna› e ‹Pregiudezis› che duevan restar las duas sulettas ovras narrativas da Giacun Hasper Muoth. Entant che ‹Pregiudezis› (er numnà ‹Il Scheiver de Cresta›) vegn preschentà sco «novella originala», sa tracti tar ‹Marionna› – sco che Muoth scriva sez en la reediziun dal text – d’ina «novella imitada».  » Dapli infurmaziuns